Mesazhi falënderues i kandidates që zë krahun e djathtë te Vjosa Osmani

Zgjedhjet 2021

Mesazhi falënderues i kandidates që zë krahun e djathtë te Vjosa Osmani

Më: 12 shkurt 2021 Në ora: 21:58
Jeta Statovci dhe Vjosa Osmani

Jeta Statovci ka qenë njëra nga kandidatet që është përcjellë vazhdimisht bashkë me kandidaten për presidente, Vjosa Osmanin. Bëhet fjalë për këshilltaren e Osmanit, kandidaten për deputete, Jeta Statovci.

E diplomuar në Mbretërinë e Bashkuar, Statovci llogaritet si një nga kuadrot më të përgatitura në listën e kandidatëve të Vetëvendosjes dhe listës së Vjosa Osmanit.

Tejet aktive në fushatë dhe e pandarë nga Vjosa Osmani, kandidatja Statovci ka një mesazh për të gjithë qytetarët, veçmas përkrahësit e saj. “Të nderuar,

Dua t’ju falenderoj përzemërsisht!

Fushata ime e parë drejt rrugës si deputete e ardhshme filloi në vendlindjen time në Prishtinë , e vazhdoi anembanë Kosovës ku fryma e ndryshimit ishte dukshëm e pranishme!

U takuam e diskutuam me shumë prej jush. Dëgjuam! Kishim intervista, organizuam bashkebisedime me grupe të ndryshme, sigurova mbështetje nga kompania Amerikane për shtrirjen e kujdesit paliativ në Kosovë e punova pa ndalë me energjinë më të madhe!

Jam prekur thellë nga shprehja e besimit nga qytetarët e shumtë që takova gjatë këtij rrugëtimi dhe ju falënderoj nga zemra. Jam jashtëzakonisht mirënjohëse ndaj familjes, miqve dhe mbështetësve besnikë të cilët me aq bujari kontribuan kohën dhe përpjekjet e tyre në këtë fushatë.

Si Deputete e Kuvendit të Republikës së Kosovës, një nga programet e mija pa dyshim se do të jetë edhe zëri i fuqishëm i arsyes, dhe ndryshimit. Gratë duhet guxuar, për të hyrë në rrugën e garës, përmes së cilës duhet dalur triumfuese, në rrugën e barazisë, dhe të sfidës për të ndërtuar të ardhmën tonë të përbashkët.

Falenderoj të gjithë miqët, nga Kosova, SHBA, Evropa e më gjerë, për telefonatat, mesazhet dhe inkurajimin në garën drejt Kuvendit të Republikës.

Përkrahja juaj, motivimi dhe suksesi im!

Ju falenderoj përzemërsisht”, shkruan Jeta Statovci në Facebook

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat