Jennifer Aniston dhe Jim Curtis drejt një hapi të ri

Bota e Yjeve

Jennifer Aniston dhe Jim Curtis drejt një hapi të ri

Nga: M.H. Më: 26 shkurt 2026 Në ora: 06:27
Jennifer Aniston

Jennifer Aniston dhe partneri i saj Jim Curtis janë parë së fundmi duke vizituar një ndërtesë luksoze apartamentesh në New York City, duke nxitur spekulime për një bashkëjetesë të mundshme.

Çifti u fotografua teksa shikonin mobilje dhe ambiente të brendshme, duke u dukur të qetë dhe të buzëqeshur gjatë vizitës së tyre, shkruan Daily mail, përcjell “Bota sot”.

Vizita erdhi pak kohë pasi Curtis nxori në shitje apartamentin e tij në Manhattan, gjë që shtoi zërat për një ndryshim në jetën e tij personale.

Image
Jim Curtis

Burime pranë çiftit thonë se marrëdhënia e tyre po bëhet gjithnjë e më serioze dhe se ata po kalojnë më shumë kohë së bashku.

Aniston, e cila jeton kryesisht në Los Angeles, duket e hapur ndaj idesë për të kaluar më shumë kohë në bregun lindor.

Image
Jennifer Aniston

Edhe pse nuk ka konfirmim zyrtar për një blerje të përbashkët, paraqitja e tyre në ndërtesë ka mjaftuar për të ndezur aludimet.

Për momentin, dyshja po shijon romancën, ndërsa fansat presin të shohin nëse ky do të jetë hapi i radhës në lidhjen e tyre.

Image
Çifti u fotografua në nëntor në eventin ELLE 2025 Women in Hollywood
comment Për komente lëvizni më poshtë
Sot mund të lexoni Shfletoni kopertinat