Një i ri shqiptar është dënuar me 18 muaj burg nga një gjykatë britanike, pasi u kap në një fabrikë kanabisi me vlerë 72,500 £ të ngritur në një rrugë periferike të Keighley.
Shtetasi me inicialet Xh. T., i cili ka qenë futbollist i U 17 i Sopotit, kishte hyrë në Mbretërinë e Bashkuar në mënyrë të paligjshme rreth 12 muaj më parë.
Asokohe ishte vetëm 19 vjeç, u gjet i fshehur nën një mur plastik, kur policia hyri në ambientet e derës anësore të fermës së kanabisit në 7.30 të mëngjesit më 31 tetor të vitit të kaluar. Ai po priste rritjen e 154 bimëve.
Avokati i tij, Julian White, tha se klienti i tij shkoi në Mbretërinë e Bashkuar një vit më parë duke shpresuar të gjente punë si dekorues.
Ai pranoi ujitjen dhe kujdesjen për bimët e kanabisit në këmbim të ushqimit dhe një vendi për të qëndruar. Pas vuajtjes së dënimit do dëbohet nga Britania.
