Shqiptarja e qëlloi me 4 plumba në bark, si paraqitet sot gjendja e mjekut të njohur grek

Diaspora

Shqiptarja e qëlloi me 4 plumba në bark, si paraqitet sot gjendja e mjekut të njohur grek

Më: 24 nëntor 2021 Në ora: 14:48
Mjeku i njohur grek, Jorgos Neos

Mjeku i njohur grek, Jorgos Neos, i cili mbeti i plagosur pas breshërisë së plumbave që shqiptarja, Klodiana Çelo lëshoi mbi të, ka dalë nga salla e reanimacionit. Shqiptarja dhe mjeku grek kishin përjetuar një histori dashurie 13 vite më parë, frut i së cilës ishte edhe një vajzë.

Në kohën kur vajza kishte lindur, mjeku Neos e kishte njohur si fëmijën e tij, por ia kishte bërë të qartë shqiptares së nuk do të divorcohej nga gruaja e tij, një shtetase angleze, me të cilën kishte edhe fëmijë.

Por pas pak vitesh Çelo filloi t’i kërkonte shumë të mëdha parash mjekut për rritjen e vajzës, deri në komentin kur në shtetin fqinj ra kriza dhe ai ia bëri të qartë se duhet të punonte edhe ajo sepse të ardhurat kishin rënë ndjeshëm.

Në këtë moment nisën konfliktet mes çiftit dhe saga e seancave të shumta gjyqësore për kujdestarinë e vajzës, e cila ishte edhe dëshmitare e kësaj ngjarje të rëndë.

Por si paraqitet sot gjendja e mjekut Jorgos Neos?

68-vjeçari sipas informacioneve të mjediave vendase ka dalë nga  salla e reanimacionit të spitalit “Gennimatas”, por ende gjendja e tij paraqitet e rëndë. Ekziston mundësia që ai t’i nënshtrohet një operacioni tjetër për të stabilizuar gjendjen e tij.

“Gjendja e tij është e rëndë dhe shumë serioze. Ai mund të ketë nevojë për një operacion tjetër. Ai pardje doli nga terapia intensive, por njerëzit e tij e kundërshtonin këtë gjë sepse siç e dini, ka një numër të madh rastesh të reja me covid ne ICU. Nëse nuk do të kishim këtë situatë me koronavirusin, besoj se nuk duhej të dilte nga ICU”, tha avokati i tij, Alexandros Alexandrakis.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat