“Mafia shqiptare punon për Ndrangheta-n!”- Drejtori i antimafies italiane: Menaxhojnë trafikun e drogës

Diaspora

“Mafia shqiptare punon për Ndrangheta-n!”- Drejtori i antimafies italiane: Menaxhojnë trafikun e drogës

Më: 16 maj 2022 Në ora: 19:52
Foto ilustrim

Drejtori i Përgjithshëm i Departamentit të Antimafias italiane, Maurizio Vallone ka bërë me dije të hënën se mafiëa shqiptare punon për mafien kalabreze, Ndranghetën.

Gjatë përurimit të një ekspozite në Genova, me rastin e 30-vjetorit të departamentit të hetimit antimafia, Vallone deklaroi se mafiozët shqiptarë menaxhojnë trafikun e drogës, me “bekimin” e “kalabrezëve”.

“Mafia shqiptare punon për mafien kalabreze Ndrangheta. Mafia shqiptare ka marrë në nënkontraktim nga mafia kalabreze menaxhimin e trafikut të drogës.

Për mbi 30 vjet Liguria ka parë praninë e të gjithë mafiozëve. Por hetuesit kanë arritur të përballen me infiltrimin. Genova është një port i cili ka qenë nën mbikëqyrje të rreptë nga hetuesit dhe këtë e dëshmojnë sasitë e mëdha të sekuestruara.

Aty ku ka më shumë sekuestrime ka më shumë vëmendje. Konfiskimet e fundit në portin e Genovas nuk tregojnë domosdoshmërisht se ka pasur rritje të trafikimit të drogës, por operacionet policore janë përmirësuar. Krimi i organizuar është goditur edhe nëpërmjet sekuestrimeve që lejojnë dëmtimin e organizatave kriminale”, theksoi Vallone.

Në raportin e fundit të Antimafies Italiane, trafiku i drogës mbizotëron në aktivitetin kriminal të rajonit të Ligurias. 60% e operacioneve të kryera gjatë vitit 2021 i përkasin punës së antidrogës territoriale.

Vallone tha edhe se duhet intensifikuar aktiviteti hetimor edhe në zonat e tjera ku konstatohet krimi.

“Liguria ka qenë një vend i infiltrimit të të gjithë mafiozëve për 30 vjet. Krimi i organizuar shkon atje ku ka para, një ekonomi të pasur dhe të shëndetshme”, shtoi ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat