Goditet banda e dhunshme në Itali/ Të arrestuarit janë shqiptarë, marokenë dhe kolumbianë!

Diaspora

Goditet banda e dhunshme në Itali/ Të arrestuarit janë shqiptarë, marokenë dhe kolumbianë!

Më: 18 qershor 2022 Në ora: 00:13
Foto ilustrim

Autoritetet italiane kanë identifikuar dhe kanë arrestuar 7 anëtarët e një bande të dhunshme, të përberë nga shqiptarë, marokenë dhe kolumbianë.

Anëtarët e bandës u zbuluan një muaj pas një ngjarje të rëndë të ndodhur në një diskotekë në Brixen, ku sulmuan dhe plagosën disa persona.

“Natën e 22 majit, shtatë të rinj kanë ushtruar dhunë të konsiderueshme duke plagosur dy të rinj të tjerë, të cilët u dëmtuan me fraktura në trup”, raportojnë mediat.

Mënjeherë pas kësaj ngjarje, policia e qytetit nisi hetimet duke arritur në përfundimin se 7 personat ishin përgjegjës për rrahjen e dy të rinjve.

“Të gjithë ishin në moshë madhore, me origjinë dhe kombësi shqiptare, marokene dhe kolumbiane dhe jetonin midis Brixen dhe Vahrn”, shkruajnë mediat italiane.

Pas këqyrjes me kujdes të fakteve, forcat e rendit i kanë dhënë të shtatë të rinjve ndalim hyrje-qëndrimi për dy vite për arsye sigurie. Çdo shkelje e këtij urdhri dënohet me burgim nga gjashtë muaj deri në dy vjet dhe me gjobë nga 8.000 deri në 20.000 euro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat