Vrasja e 5 vjeçares në Itali, nëna nën vëzhgim të rreptë në burg, vajza do të varroset nga dioqeza e qytetit

Diaspora

Vrasja e 5 vjeçares në Itali, nëna nën vëzhgim të rreptë në burg, vajza do të varroset nga dioqeza e qytetit

Më: 20 qershor 2022 Në ora: 09:49
Martina Patti, Elena

Martina Patti nëna 23 vjeçare që vrau të hënën e kaluar vajzën e saj Elena, 5 vjeç, ndodhet në burgun e Piazza Lanza, në Catania.

Ajo po monitorohet nga afër nga policia e vuajtjes së dënimit nga frika se mund të kryejë ndonjë gjest vetëdëmtues ose se të burgosur të tjerë mund ta sulmojnë ate.

Avokati i saj Gabriele Celesti, i cili tha se gruaja “nuk është e qetë”, po vlerëson se cilat do të jenë strategjitë mbrojtëse për hapat e mëtejshëm të procedimit, pasi gjyqtari hetues ka vërtetuar arrestimin dhe ka caktuar masën e paraburgimit në burg.

Ndërkohë, dioqeza e Katanias po organizon varrimin e fëmijës që do të bëhet të mërkurën, në Katedralen e Katanias, të kremtuar nga kryepeshkopi mitropolit Luigi Renna, në të cilin pritet një pjesëmarrje e madhe e njerëzve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat