E ndoqën, e grabitën dhe më pas i morën jetën, 3 shqiptarë së bashku me 2 grekë akuzohen për vrasjen e 84-vjeçares në Greqi

Diaspora

E ndoqën, e grabitën dhe më pas i morën jetën, 3 shqiptarë së bashku me 2 grekë akuzohen për vrasjen e 84-vjeçares në Greqi

Më: 28 qershor 2022 Në ora: 23:13
Foto ilustrim

Policia greke është duke hetuar vrasjen e një 84-vjeçareje në Patisia, ngjarje e ndodhur në mars të vitit të kaluar.

Autorët e grabitën pasi fillimisht e kishin imobilizuar “duke i shkaktuar vdekjen duke i penguar rrugët e frymëmarrjes.”

Bëhet fjalë për dy grekë dhe tre shqiptarë, të cilët kishin ndjekur të moshuarën në banesën e saj në rrugën Myliaraki kur ajo po kthehej nga furra ku kishte shkuar për të blerë bukë.

Pasi kanë rrëmbyer atë që kanë gjetur në banesë janë zhdukur.

Në fakt, njëri prej të akuzuarve tashmë është i burgosur në Angli për krime të tjera, ndërsa një bashkëpunëtor i tij ndodhet në burgun e Korydallos. Ajo që ka ndodhur tragjikisht brenda banesës është kuptuar nga djali i të moshuarës, pasi është zgjuar.

Ai nuk kishte dëgjuar asnjë zhurmë, shkruajnë mediet greke. Nga hetimet e policëve të Departamentit të Vrasjeve u zbulua mënyra e veprimit dhe roli i secilit në veprën penale.  Të arrestuarit janë dërguar në Prokurorinë kompetente.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat