Zbulohet plantacioni me 2300 rrënjë kanabisi në Spanjë, arrestohen 3 persona, serbë dhe shqiptarë!

Diaspora

Zbulohet plantacioni me 2300 rrënjë kanabisi në Spanjë, arrestohen 3 persona, serbë dhe shqiptarë!

Më: 16 shtator 2022 Në ora: 20:10
Foto ilustrim

Një plantacion kanabisi është zbuluar gjatë një operacioni ditën e sotme në Spanjë, për të cilën u arrestuan 3 persona me origjinë serbe dhe shqiptare.

Operacioni i koduar “Tabacu Tormo” u zhvillua në një zonë me terren të vështirë midis dy qyteteve, Cardenete dhe Enguidanos.

Sipas mediave spanjolle, autoritetet zbuluan plantacionin ku ishin mbjellë 2300 rrënjë kanabisi, ndërsa pranë një godine, u zbuluan dhe disa thasë me fara të bimës narkotike.

Ka qenë një gjuetar i cili ka zbuluar aktivitetin e paligjshëm të 3 të arrestuarve në gusht të këtij viti. Teksa lëvizte në zonë, gjuetari ka pikasur dy prej të rinjve, të cilët i kanë ngjallur dyshime se mund të kryenin aktivitet të paligjshëm.

Ai menjëherë ka njoftuar autoritetet të cilët nisën menjëherë mbikëqyrjen e zonës dhe të tre personave.

Efektivët e Gardës Civile dhe Policisë zbuluan dhe disa pellgje artificiale të cilat lidheshin me një lum, duke e çuar ujin deri në plantacionin e kanabisit duke mundësuar kështu ujitjen.

Gjithashtu në një zonë të pyllëzuar, u gjet edhe një kamp i improvizuar ku qëndronin 3 të rinjtë dhe vëzhgonin plantacionin e kanabisit.

Mediat spanjolle gjithashtu bëjnë me dije se vlera e përllogaritur e marijuanës së sekuestruar, arrinte deri në 40 mln euro.

commentFirst article
Sot mund të lexoni Shfletoni kopertinat