Ky është shqiptari që u qëllua me armë zjarri nga oficerja greke, ka të shkuar kriminale

Diaspora

Ky është shqiptari që u qëllua me armë zjarri nga oficerja greke, ka të shkuar kriminale

Më: 27 shtator 2022 Në ora: 14:38
Esmin Ferhati

Esmin Ferhati është 30-vjeçari shqiptar që u qëllua sot në këmbë nga një oficere greke, në kuadër të një operacioni policor antidrogë në Universitetin Teknologjik Zografou në Athinë.

30-vjeçari u përplas fizikisht me oficeren e policisë gjatë aksionit policor në orën 06:00 të mëngjesit, ku u arrestuan 22 persona.

Oficerja ka qëlluar shqiptarin me armën e shërbimit për t’u vetëmbrojtur, shkruan protothema.gr.

Ferhati është transferuar me urgjencë në spital, pasi ka marrë lëndime në këmbën e tij.

Emigrant shqiptar akuzohet ndër të tjera për një sërë grabitjesh.

Gjatë përleshjes me oficeren e policisë, Ferhati ka sulmuar me kaçavidë policen. Më pas për t’u vetëmbrojtur, oficerja e qëlloi Ferhatin me armën e shërbimit në këmbë.

Sakaq rezulton se i riu është një person i njohur për policinë greke, ai shpërndante drogë dhe grabiste disa zona perfikerike në Atikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat