“Nëse nuk paguan vëllai yt do të vdesë”- Si ra policia britanike në gjurmët e shqiptarit që mbahej peng në Londër!

Diaspora

“Nëse nuk paguan vëllai yt do të vdesë”- Si ra policia britanike në gjurmët e shqiptarit që mbahej peng në Londër!

Më: 2 tetor 2022 Në ora: 13:50
Foto ilustrim

Nertil Buzi, 30-vjeç është i riu që është mbajtur peng në Britaninë e Madhe nga 7 shqiptarë të tjerë, për disa ditë me radhë.

Gazetarja Klodiana Lala raporton se denoncimi është bërë nga vëllai i të riut në policinë shqiptare. Ai i ka thënë uniformave blu se grupet kriminale që mbanin peng të vëllain, i kanë kërkuar që të sigurojë 400 mijë paund ose vëllai i tij do të vritet.

“Nëse nuk paguan paratë, vëllai yt do të vritet”, citohet të ketë thënë ai para policië. Pas marrjes së denoncimit policia shqiptare ka kërkuar ndihmën e policisë britanike.

Kanë qenë 8 hetues që janë marrë me zbulimin e vendndodhjes së të riut shqiptar nisur edhe nga materialet që vëllai i tij i ka dhënë policisë, duke përfshirë këtu edhe pamje filmike ku ata shfaqen duke e torturuar atë si kërcënim për familjarët.

Dyshohet se shkak për këtë pengmarrje të jenë bërë prishja e pazareve mes të riut dhe personave që e mbanin peng. Kjo pasi këta të fundit rezultojnë emra me rekorde kriminale në kultivimin e lëndëve narkotike në shtëpi bari dhe trafikim të tyre.

Ndërkohë sa i takon ‘pengut’ ai nuk rezulton të ketë precedentë penalë gjatë kohës që ka qëndruar në Shqipëri, megjithatë dyshimet janë se ai është përfshirë në grupet e kultivimit të drogës pasi është vendosur në Britaninë e Madhe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat