Një shqiptar është arrestuar në Itali, pasi është kapur me kokainë. I riu shqiptar e kishte fshehur lëndën narkotike në një kuti syzesh.
Sapo pa policinë ai e hodhi kutinë me drogë brenda një parku për fëmijët në Fiabilandia, por nuk mundi t’i largohet policisë.
Në tentativë për të shpëtuar ai u dha policëve 155 euro, por plani i tij nuk shkoi mirë, raportojnë mediat italiane.
Ai u arrestua dhe po gjykohet me akuzën e posedimit të drogës, ndërsa policia sekuestroi kutinë në të cilën ndodheshin 14 mbështjellës celofani me kokainë, me një peshë totale rreth 5 gram.
