Një ngjarje makabër është zbuluar këtë të premte në Greqi. Një shqiptar u gjet i prangosur dhe i djegur në sediljen e pasme të një automjeti. Identiteti i tij ende nuk bëhet me dije.
Sipas raportimeve, makina ishte vjedhur në zonën e Atikës në Athinë dhe targat ishin të falsifikuara. Hetimet janë marrë nën përgjegjësinë e Departamentit të Hetimit të Krimit të Organizuar, njohur ndryshe si “FBI greke”.
Mediat greke raportojnë se shqiptari, i paidentifikuar ende, kishte tre ditë i vdekur në makinë dhe askush nuk e kishte vënë re.
Autoritetet greke vijojnë hetimet për të zbuluar të tjera detaje mbi ngjarjen e rëndë.
