Tuchel: E dominuam Manchester Utd

Futboll

Tuchel: E dominuam Manchester Utd

Më: 29 nëntor 2021 Në ora: 12:45
Tuchel: E dominuam Manchester Utd

Supersfida Chelsea-Manchester United nuk prodhoi fitues. Të dy skuadrat shënuan nga një gol në pjesën e dytë në takimin e djeshëm në “Stamford Bridge” dhe ndanë nga një pikë.

Rezultati 1-1 mban “Blutë e Londrës” në krye të Premier League pas javës së 13-të, por Manchester City dhe Liverpool janë afruar dhe tani numërojnë nga një dhe dy pikë më pak.

Trajneri i Chelsea, Thomas Tuchel analizoi barazimin shtëpiak, duke vlerësuar lojën e djemve të tij, teksa shpjegon pse zgjodhi të mos aktivizonte Lukakun si titullar. “Jam absolutisht i kënaqur me performancën e djemve të mi.

E dominuam Manchester United që prej minutës së parë, ishim agresivë dhe nuk hoqëm dorë për asnjë moment nga sulmet tona. Për fat të keq, e dhuruam vetë golin që pësuam, por jam i kënaqur me reagimin dhe atë që prodhoi skuadra në fushë”.

Më pas një koment në lidhje me Romelu Lukakun, i cili e nisi ndeshjen nga stoli për t’u hedhur në fushë nga trajneri gjerman tetë minuta përpara fundit. “Nëse Romelu ndodhet në formë të mirë e ka vendin në formacion, por për momentin nuk është.

Ai ka luajtur edhe më shumë sesa do të kisha dashur unë. Ishim shumë afër portës kundërshtare në minutat e fundit dhe mendova që prania e tij mund të na ndihmonte”, deklaroi trajneri i kampionëve të Europës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat