Liverpooli synon të transferojë mesfushorin e Monacos, Lamine Camara, gjatë afatit kalimtar të janarit, raportojnë mediat angleze.
Reprezentuesi i Senegalit është një nga objektivat kryesorë të gjigantit anglez. Gazetari Mark Bruce pretendon se bisedimet me përfaqësuesit e futbollistit kanë avancuar në drejtim pozitiv.
Monaco thuhet se kërkon 70 milionë euro për kartonin e Camaras.
Sipas informacioneve, Liverpooli ka përfunduar një pjesë të rëndësishme të përgatitjeve për transferimin dhe është afër arritjes së marrëveshjes me përfaqësuesit e futbollistit për kushtet personale.
Megjithatë, deri më tani nuk ka ende marrëveshje të konfirmuar mes dy klubeve.