Largohet Benzema, vjen Haaland!

Futboll

Largohet Benzema, vjen Haaland!

Më: 16 janar 2022 Në ora: 19:33
Karim Benzema

Sulmuesi Karim Benzema mund të largohet nga Real Madrid, në rast që sulmuesi i Borussia Dortmundit, Erling Haaland vendos t’i bashkohet klubit spanjoll.

Francezi ka kontribuar me 17 gola dhe shtatë asistime në 20 paraqitje në La Liga këtë sezon, me Real Madridin që shihet si favorit për La Liga-n.

Sidoqoftë, “El Nacional” raporton se 34-vjeçari mund të largohet pas 13 viteve te Reali dhe mund të rikthehet te ish skuadra, Lyon.

Raporti shton se Benzema nuk do ishte i lumtur me ardhjen e Haaland, prandaj do preferojë largimin para se të qëndrojë në stol.

Kontrata e Benzemas skadon në vitin 2023, me presidentin Florentino Perez që i ka ofruar mundësinë e rinovimit, por lojtari e ka refuzuar.

Ndërkohë, edhe PSG mund të interesohet për francezin në rast që Zinedine Zidane merr drejtimin e “Parisienëve”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat