Salah është ylli i Premier League

Futboll

Salah është ylli i Premier League

Më: 22 janar 2022 Në ora: 12:11
Salah është ylli i Premier League

Momo Salah u rendit i treti pas Robert Lewandowskit dhe Leo Messit në “FIFA Best 2021”. Ish-mbrojtësi i United, Gary Neville e vlerëson shumë yllin e Liverpool, të cilin e cilëson si lojtarin më të mirë në Angli.

Komentatori sportiv habitet se si 29-vjeçari nuk llogaritet shumë sa i përket çmimeve individuale. Salah shënon prej vitesh shumë gola, dhuron asiste dhe është një nga lojtarët më vendimtarë në sukseset e ekipit të Jurgen Klopp.

“Unë mendoj se ka një mungesë të përgjithshme respekti nga e gjithë bota sportive kundrejt Momo Salah. Ai thjesht nuk respektohet sa duhet kur bëhet fjalë për ngjarjet që kanë të bëjnë me fitimin e çmimeve të rëndësishme.

Më duket e pabesueshme. Në fillim mund të kishte disa dyshime, por u bënë 3-4 vite që Salah luan në nivele të larta dhe rendimenti i tij vjen në rritje. Ai udhëhoqi Liverpool drejt fitimit të titullit dhe Champions League.

Nuk mendoj se ai nuk e meriton një çmim, Salah është futbollisti më i mirë në Premier League”, deklaroi Neville për sulmuesin egjiptian, i cili kryeson renditjen e golashënuesve më të mirë në ishull me 16 gola.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat