Ademi shënon në Suedi

Futboll

Ademi shënon në Suedi

Më: 29 janar 2022 Në ora: 19:38
Ademi shënon në Suedi

Jo vetëm Ernest Muçi, sot kanë gjetur golin edhe Kristi Qose e Albion Ademi. Mesfushori shqiptar, i cili është pjesë e Karvinës prej shkurtit të vitit 2020, ka realizuar dy herë në suksesin 4-3 të ekipit çek në miqësoren ndaj ukrainasve të Veres-Rivne.

26-vjeçari korçar, autor i tre ndeshjeve me kombëtaren shqiptare, tundi rrjetën kundërshtare në minutën e 47-të, ndërsa nëntë minuta më vonë shënoi një eurogol.

Driblim dhe parabolë fantastike me të majtën, veprimi teknik i Qoses ishte i një niveli të lartë, teksa nuk munguan duartrokitjet e shokëve të skuadrës dhe stafit teknik.

Feston edhe Albion Ademi me Djurgarden. 22-vjeçari nga Prishtina shënoi 14 gola me finlandezët e Mariehamn në vitin 2020, ndërsa në janarin e vitit të kaluar firmosi për klubin e elitës suedeze.

Djurgarden fitoi 3-1 miqësoren e sotme kundër letonezëve të Metta/LU. Ishte minuta e 59-të kur Ademi kombinoi me një shok skuadre, lëvizi bukur në zonën kundërshtare dhe gjeti rrjetën me një goditje potente me të djathtën.

comment Për komente lëvizni më poshtë
Sot mund të lexoni Shfletoni kopertinat