Chelsea vazhdon të jetë e interesuar për mesfushorin e Barcelonës, Fermín López, për të cilin mund të ofrojë deri në 120 milionë euro.
Sipas mediumit “El Nacional”, klubi londinez mbetet i vendosur për ta transferuar futbollistin spanjoll, i cili është një prej lojtarëve të rëndësishëm në skuadrën katalunase.
Megjithatë, një largim i mundshëm i tij nuk do të ishte i mirëpritur as nga bashkëlojtarët. Lamine Yamal thuhet se nuk dëshiron ta humbasë shokun e tij të afërt, me të cilin ka një mirëkuptim të veçantë në fushën e lojës.
Nga ana tjetër, Fermín López mbetet i përkushtuar ndaj Barcelonës. Ai ka kontratë me klubin katalunas deri në vitin 2031, ndërsa klauzola e tij e lirimit është plot 500 milionë euro.
Për momentin, nuk ka sinjale konkrete se mesfushori dëshiron të largohet nga “Camp Nou”, por interesimi i Chelseat dhe shuma e mundshme prej 120 milionë eurosh mund ta bëjnë këtë një prej temave të rëndësishme të merkatos.