Allegri mbetet pa konferencë për shtyp për herë të dytë radhazi, Napoli ia ndalon daljet para mediave

Futboll

Allegri mbetet pa konferencë për shtyp për herë të dytë radhazi, Napoli ia ndalon daljet para mediave

Nga: B.S. Më: 19 nëntor 2026 Në ora: 20:00
Trajneri Massimiliano Allegri

Napoli ka anuluar për herë të dytë radhazi konferencën për media të trajnerit Massimiliano Allegri para një ndeshjeje.

Këtë herë, vendimi është marrë para përballjes me Torinon.

Klubi të enjten ka bërë të ditur edhe një rregull të ri: Allegri në të ardhmen do të komunikojë me gazetarët vetëm pas ndeshjeve dhe në konferencat e detyrueshme për Ligën e Kampionëve.

“SSC Napoli njofton se do të mbahen konferencat për media pas ndeshjeve dhe ato të detyrueshme në Ligën e Kampionëve. Konferencat e tjera do të organizohen vetëm kur klubi ta konsiderojë të nevojshme”, thuhet në komunikatën e shkurtër të klubit.

Allegri ishte paraparë të dilte para gazetarëve të premten në orën 14:30.

Konferencën e parë e ndaloi De Laurentiis

Konferenca e mëparshme e Allegrit ishte anuluar para ndeshjes kundër Lazios, vetëm pak minuta para fillimit të saj, ndërkohë që gazetarët tashmë ndodheshin në qendrën stërvitore në Castel Volturno.
Vendimin atëherë e kishte marrë vetë presidenti i klubit, Aurelio De Laurentiis.

“Kur kuptova se po përgatitej edhe një konferencë tjetër për media, vendosa ta ndaloj. Jemi në fazën e përgatitjeve dhe duhet të shmangim çdo shpërqendrim për futbollistët”, kishte shkruar De Laurentiis në rrjetin social X.

Ai kishte shtuar se konferencat për media nuk kanë kuptim kur skuadra luan çdo tri ditë.

Allegri nën presion

Napoli ishte dërguar në grumbullim të mbyllur pas humbjes së rëndë 4:1 nga Porto në Ligën e Kampionëve.

Pas kësaj disfate, mediat italiane kishin shkruar se Allegri ishte pranë shkarkimit.

Allegri mori drejtimin e Napolit këtë verë, pasi më parë ishte shkarkuar nga Milani.

Sot mund të lexoni Shfletoni kopertinat