Ka bërë shumë zhurmë eliminimi i Real Madrid nga Kupa e Mbretit gjatë javës, por trajneri Ancelotti ka aq shumë eksperiencë, sa t’i përballojë shumë mirë kritikat që i janë bërë.
Nuk është pëlqyer aspak vendimi i trajnerit për të lënë në stol, me rastin e asaj ndeshje, yje si Hazard dhe Bale. Në konferencën për shtyp të zhvilluar në prag të ndeshjes së sotme kundër Granada-s, ai ka folur për tema të ndryshme.
“Nuk jam lënduar nga kritikat që kam marrë. Jam mësuar. Them se si trajner i Real Madrid duhen marrë disa vendime. Unë jam trajneri dhe jam unë ai që i sheh lojtarët çdo ditë.
Sa për informacion, nuk i kam aktivizuar kundër Atheltic Bilbao-s (në Kupën e Mbre tit) sepse mendoja se do të shkonim me shtesë (Bilbao ka shënuar në minutën e fundit të kohës së rregullt)”, ka thënë italiani.
“Kjo është arsyeja pse nuk e kam aktivizuar Hazard-in, do ta kisha bërë më pas.
Të qeshurat e Bale? Nuk e kam parë, por nuk mendoj se është e rëndësishme. Dëmtimi i Benzema? Jemi gjithsesi mirë. Sigurisht, kur humb golashënuesin tënd nuk mund të jetë një gjë pozitive, por kemi fituar ndeshje edhe pa të”.
