Mathaus bën deklaratën e bujshme

Futboll

Mathaus bën deklaratën e bujshme

Më: 5 korrik 2022 Në ora: 13:54
Mathaus

Lothar Mathaus fton Cristiano Ronaldon te Bayern Munich, pavarësisht largimit apo qëndrimit të Lewandowskit në “Allianz Arena”. Po kështu, ai nuk e konsideron De Ligt një element të aftë për të ndryshuar ekuilibrat në Bavari. Fjalët e tij janë publikuar nga “skysport.de”.

Ish-mesfushori që ka shkruar historinë e Bayernit dhe kombëtares gjermane ka mbajtur qëndrim të qartë: “Bayerni ka bërë shumë mirë deri tani në merkato. Mane është një yll botëror, Gravenberch dhe Mazroui janë lojtarë të rinj shumë premtues. Kështu duhet të jetë, nëse doni t’i fitoni të gjithë titujt.

Megjithatë, për mendimin tim ka ende dy fusha për të punuar, gjegjësisht shitja e Bouna Sarr dhe një zgjidhje e mirë në çështjen Lewandowski. Ose Robert qëndron, siç është komunikuar nga klubi, ose e shesin atë me çmimin më të lartë dhe marrin një zëvendësues të mrekullueshëm. Mund të jetë vërtet Cristiano Ronaldo. Nëse vjen portugezi, do të ishte një operacion vërtet seksi”.

Matthaus beson se ID-ja e portugezit (37 vjeç) nuk është problem: “Sezoni i kaluar tregoi se Ronaldo është ende një lojtar dhe atlet i jashtëzakonshëm. Edhe në moshën 37-vjeçare, por e shoh në gjendje të bëjë ndryshimin. Ndër të tjera, nuk mendoj se do ta kishte të vështirë të përshtatej në sistemin e lojës së Bayern Munich.

Jam i bindur se ai mund të shënonte lehtësisht 30 gola në sezon. Vetëm mendoni për një sulm të formuar nga Gnabry, Mane, Ronaldo dhe Muller, me Coman si alternativë. Nga pikëpamja financiare, ky operacion nuk do të ishte një investim afatgjatë, por edhe një shpenzim që paguan veten për sa i përket imazhit dhe marketingut”.

Mathaus kundërshton shumën e përfolur se ofron Bayerni për De Ligt: “Ka kaq shumë qendërmbrojtës, sa mezi mund ta imagjinoj të shpenzoj 100 milionë për një profil si De Ligt. Do të isha shumë i befasuar nëse një transferim i tillë do të ishte financiarisht i menaxhueshëm. Duke pasur Upamecano, Hernandez, Pavard dhe të riun Nianzou në skuadër, e konsideroj të tepërt blerjen e holandezit”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat