Sa e sa herë e kam thënë, nuk shkon sporti para në Kosovë, kur kemi njerëz që kanë tre a katër pozita!
Punon edhe në ministri edhe në DSK edhe trajner në klub, punon edhe në federatë edhe trajner në klub.
Thuajse Kosova i ka 500 banorë dhe nuk ka njerëz, patjetër e kanë që të janë rrush me pozita.
Kosova i ka mbi 2 milionë banorë!
Këta njerëz që luftojnë për shumë pozita gjithmonë bëjnë probleme sepse kërkojnë shumë hise!
Po diskutohet shumë, licencohet apo jo futbolli! Bën edhe pa futboll: pak pushoni e relaksoheni, se jeni lodhur!
Përderisa nuk luftohet dukuria që njerëz që kanë shumë pozita, sporti ka me shku gjithnjë e më poshtë.
E kemi trajnerin më të mirë në botë, Driton Kuka, tek ai ka profesionalizëm dhe nuk ka lejuar që të përzihen njerëz që veç kanë dëgju për sport.
Sporti është kategori e rëndë për shumë që janë futur aty, tani po mendojnë që janë bë yje pa shënuar kurrë gol e kosh!
Emrat e mëdhenj janë hedhur në baltë, ani ata që i kanë bë mbi 65 vjet, thonë janë arkiva, demek ikni sa më larg, se ka burra që i mbajnë nga tre a katër pozita.
Shumë jemi të vyeshëm, shpejt do të kemi edhe fabrikën e aeroplanëve. Kuadro kemi, po bota nuk ka marrë vesh ende!
