Paolo Maldini tregohet një zotëri i vërtetë dhe pranon eliminimin, teksa shprehet se Interi e meritoi plotësisht kualifikimin.
“Luajtëm më mirë se ndeshjen e parë, por ata dy gola kushtëzuan sfidën.
Dalim me kokën lart dhe duhet ta pranojmë që Interi është me meritë në finale”, tha drejtuesi i Milanit.
Kuqezinjtë kanë humbur 4 derbit e fundit ndaj Interit, teksa Maldini pranon edhe diferencën mes dy skuadrave.
“Kemi humbur 4 sfida dhe të them të drejtën, nuk ka pasur garë, pasi na kanë dominuar.
Nuk kemi ekip për dy kompeticione dhe këtë e dinë edhe drejtuesit. Tani të kthehemi nga kampionati, pasi duam zonën Champions”, tha Maldini.
