Sulmuesi shqiptar shpërthen gola në Angli

Futboll

Sulmuesi shqiptar shpërthen gola në Angli

Më: 25 shkurt 2026 Në ora: 16:58
Lorent Tolaj

Lorent Tolaj ka shpërthyer këtë sezon në Angli.

Aktualisht luan me Plimuth në “League One”, që është kategoria e tretë për nga niveli. Pas tij janë vendosur gjigantët e Sëlltik në Skoci.

Tolaj numëron 18 gola në total gjatë këtij sezoni, ku e nisi me Port Vale për t’u transferuar më pas te Plimuth.

Këto të fundit derdhën në verën e kaluar rreth 1.4 milionë euro për kartonin e qendërsulmuesit, që ka kontratë deri në vitin 2029.

Zërat për interesimin e Sëlltik erdhën nga gazetari i “Daily Mail”, Simon Xhons. Interes ndërkohë ka pasur edhe nga klube të tjera gjatë kësaj kohe.

Ka luajtur me moshat e Zvicrës, ndërsa për 24-vjeçarin ekziston mundësia që të ndryshojë kombëtare.

Në kampionat ku regjistron 14 gola, është vetëm dy të tjerë larg golashënuesit kryesor.

comment Për komente lëvizni më poshtë
Sot mund të lexoni Shfletoni kopertinat