Hendbollistët Drenit Tahirukaj e Lulzim Shabani i takojnë gjeneratës historike, asaj që pati nderin e privilegjin ta përfaqësoj Kosovën në Botërorin e juniorëve dy vite më parë.
Së bashku me Jon Muqollin, që ishte kapiten në ngjarjen historike, dhe Festim Mustafën, janë lojtarët që kanë bërë hapin e madh drejt Kombëtares A.
Në ndeshjen ndaj Rumanisë, Dreniti e Luli bën paraqitje të pjekur e të përgjegjshme.
Prej tyre, por edhe prej Jonit e Festimit, presim kontribut shumëvjeçar për rritjen e mëtejme të Kombëtares sonë. Natyrisht, atyre u shërben përvoja e fituar në Botërorin në Spanjë, shkruan në faqen e Federatës së Hendbollit të Kosovës.
