Shabani apo selektori i sprovave

Hendboll

Shabani apo selektori i sprovave

Nga: K.Goca Më: 5 qershor 2021 Në ora: 13:12
Shabani apo selektori i sprovave

Të paraqitesh në fushë me mungesa të mëdha, pa 10 hendbolliste, secila më e mirë se tjetra, është edhe një sprovë e madhe. 

Agron Shabani, selektor i Kombëtares së Kosovës, po përballet me mungesa të mëdha, disa lojtare të lënduara, disa me Covid 19, por edhe me nëntë lojtare mbrëmë arriti fitore me rezultat 33:27 kundër Luksemburgut, në ndeshjen e xhiros së dytë të parakualifikueseve për Kampionatin Evropian.

Kosova me gjithë rrëmujat që po ballafaqohet, me lëndime e me Covid 19, ka shënuar dy fitore dhe renditet në vend të dytë me 4 pikë në grupin 1, sa ka edhe Portugalia. 

Shabani apo njeriu i sprovave, sonte e ka finalen me Portugalinë, ndeshje që luhet në orën 19.30. 

Përparësia e Shabanit është se gjithmonë problemet i merr me sportivitet dhe kjo edhe po i jep fuqi Kombëtares.

commentFirst article
Sot mund të lexoni Shfletoni kopertinat