Diçka po zihet brenda Kombëtares së Kosovës!

Hendboll

Diçka po zihet brenda Kombëtares së Kosovës!

Nga: Kemajl Goca Më: 9 janar 2022 Në ora: 17:47
Diçka po zihet brenda Kombëtares së Kosovës!

Ka kohë që flitet e përflitet për disa probleme që po ndodhin brenda Kombëtares së Kosovë në hendboll (meshkujt)! 

Edhe nga burimet e afërta me Kombëtaren e Kosovës, thonë se ka disa pakënaqësi tek disa hendbollistë dhe mungon angazhimi deri në pikën e fundit. 

Cilat janë problemet që po zihen brenda Kombëtares së Kosovës? A janë probleme të vogla apo të mëdha, një ditë do të dihen! Nëse mundohen që problemet të mbahen të fshehura, ky është gabimi më i madh nga kampi i Kombëtares!

Disiplina në lojë nuk është në nivelin e duhur dhe kjo ka ndikuar që sot të kemi edhe humbjen e tretë nga katër ndeshje në kualifikueset për Kampionatin Botëror.

Kosova është në fund të renditjes me 1 pikë në Grupin 1, duke mbetur pas Greqisë me 8 pikë, Turqisë me 4 e Belgjikës me 3. 

A ka probleme brenda taborit të Kombëtares së Kosovës, më së miri e di selektori Bujar Qerimi por edhe Federata e Hendbollit e Kosovës.

E para, Kosova i ka të gjitha humbjet me rezultat të ngushta, 25:23 nga Turqia, dy humbje nga Greqia me 21:20 e 26:25 dhe barazim 28:28 me Belgjikën.  

Burimet e afërta me Kombëtare, thonë se dy ose tre lojtarë po neglizhojnë (“bojkotojnë”), nëse është kjo e vërtetë, a duhet të këtë masa ndëshkuese?

Kombëtarja është e shenjtë dhe nuk ka lojë me fanellë! Bujar Qerimi e di më së miri, po neglizhohet ose jo, nëse po, ai duhet të veprojë, ndryshe heshtja nuk i bën mirë askujt aty, sepse një ditë dalin në sipërfaqe të gjitha.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat