Hendbollistja shqiptare nga Gostivari i Maqedonisë së Veriut, Bellma Beba, shprehet me fjalët më të bukura për gazetën kombëtare “Bota sot”.
Ajo e uron 27 vjetorin e gazetës, duke thënë se po luan një rol të madh në afirmimin e vlerave kombëtare sportive.
Beba tha se “Bota sot” është edhe zë i fuqishëm i sportistëve edhe të diasporës.
Bellma Beba është lojtarja kryesore në ekipin gjerman, Wurth – Mitte, qendra më e mirë që ka luajtur për vite me radhë në Kosovë me sukses.
“Përmes gazetës ‘Bota sot’ mund t’i përcjellim të gjitha risitë e sportit të Kosovës dhe anembanë. Kjo ka shumë rëndësi për të gjithë sportistët, sidomos për ato që janë në diasporë.
Sepse e kemi mundësinë që të dijmë se çka po ndodh në sportin kosovar, dhe jo vetëm kaq, ne sportistet intervistohemi gjithmonë nga ana e gazetarit Kemajl Goca i cili i përcjell vazhdimisht sukseset tona dhe dashamirët e sportit kosovar janë po ashtu të informuar me punën që ne e bëjmë në diasporë. Gazetës ‘Bota sot’ ia uroj 27 vjetorin dhe i falënderohem për punën e palodhshme që e bën!”, uron Beba.
