Vazhdon kriza me ngrohjen qendrore në Maqedoni

Maqedonia

Vazhdon kriza me ngrohjen qendrore në Maqedoni

Më: 17 janar 2022 Në ora: 16:54
Foto ilustrim

Kompania Ballkan Enerxhi Grup e cila lëshon ngrohje për pjesën më të madhe të shfrytëzuesve të ngrohjes qendrore në Shkup, i ka borxh centralit “TE-TO” rreth 3 milionë euro për lëshimin e energjisë. Vetëm në 16 ditët e para të këtij muaji, borxhi ndaj kompanisë “TE-TO”, që përveç rrymës prodhon edhe ngrohje, është gati një milion euro. Për momentin, mbetet e paqartë se sa dhe nëse shteti do të mbulojë një pjesë të borxheve të BEG-ut ndaj TE-TO-s, duke qenë se menaxhimin financiar të BEG-së pritet ta marrë kompania shtetërore, EMV. Qeveria duhet të marrë vendim për shpalljen e gjendjes së krizës në sektorin e ngrohjes qendrore, që të përcaktohet saktë se cilat do të jenë obligimet e shtetit.

“BEG i detyrohet TE-TO-s, për energji termike për 16 ditë nga janari 860,029 euro… Me vendimet për masat e krizës, nga java e kaluar dhe këto ditë, këto obligime duhet të rregullohen për punën e mëtutjeshme të të dyja kompanive”, thonë nga TE-TO SHA Shkup.

Banorët e Butelit dhe Çairit, të cilët ngrohen nga një vend tjetër, gjegjësisht nga Ngrohtorja Shkup-Veri, nga dje kanë ngrohje. Ata kishin radiatorë të ftohtë për gati dy javë. EMV do të marrë përsipër menaxhimin edhe këtë ngrohtore. Si rezultat i kësaj, furnizuesi i gazit ka filluar ti furnizojë me karburant.

“Prom Gaz SHPKNJP për konsumatorët e saj ka siguruar sasi të gazit natyror në kuadër të nevojave për vitin 2022 dhe të njëjtat financiarisht i ka mbuluar paraprakisht, gjegjësisht paguan avans për furnizuesin e vet”, thonë nga Makpetrol-prom Gaz SHPKNJP

Në vend për herë të parë ndodhë që shteti të shpallë gjendje krize në sektorin e energjisë për ngrohje. Në pjesën më të madhe problemi u shkaktua për shkak të çmimeve të larta të gazit që në muajt e kaluar u ngritën në nivele botërore rekorde.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat