Hulumtim në Maqedoni, një nga pesë studentët kanë qenë pre e ngacmimeve të ndryshme

Maqedonia

Hulumtim në Maqedoni, një nga pesë studentët kanë qenë pre e ngacmimeve të ndryshme

Më: 28 nëntor 2022 Në ora: 19:12
Foto ilustrim

Një nga pesë studentë të Universitetit Shën Kirili dhe Metodi në një anketë kanë deklaruar se kanë qenë në situatë ku profesorët u janë drejtuar me nofka ngacmuese si Alltan, Kukull dhe Macë ndërsa një e katërta prej tyre kanë dëgjuar nga profesorët shaka me përmbajtje seksualisht ngacmuese si dhe stereotipe gjinore. Pjesa më e madhe prej tyre nuk e kanë idenë se ku duhet t’i denoncojnë ngacmimet.

Përkundër kësaj, vetëm 4,6 për qind e studenteve kanë denoncuar apo njohin dikë që ka denoncuar ngacmimet seksuale ndërsa në pjesën më të madhe të rasteve, viktimat janë studente vajza.

“Secili i pesti studentë nuk ka denoncuar ngacmimet seksuale që i janë bë sepse nuk kanë informacion se ku duhet t’i denoncojnë si dhe më shumë se gjysma e të anketuarve janë përgjigjur se Universiteti Shën Kirili dhe Metodi fare nuk i mbron studentet nga ngacmimet seksuale që konsideroj se është shifër shumë e lartë”, tha Aleksandra Kalabova, hulumtuese.

Ka pasur edhe profesorë të cilët kanë kërkuar favore seksuale nga studentet në mënyrë që të kalojnë provimin.

“Përqindja e ofrimeve të favoreve seksuale në këmbim të suksesit apo privilegjeve të ndryshme është e vogël por nuk duhet fare të ekzistojë. Rreth 5-6 për qind është numri i studenteve që kanë pasur përvojë të tillë”, tha Goran Lefkov, hulumtues.

Sipas hulumtimit të realizuar me 300 studentë të Universitetit Kirili dhe Metodi, rekomandohet që urgjentisht të rritet numri i sanksioneve për kryerësit e veprave të tilla, të bëhen kampanja për ngritje të vetëdijes në lidhje me atë se çka do të thotë ngacmim seksual si dhe të krijohen mekanizma të thjeshta për denoncimin e ngacmimeve. Ndryshe, kjo nuk është hera e parë që studentët ankohen për ngacmime seksuale nga ana e profesorëve. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat