Vlora Çitaku, flutur mashtruese, mushkonjë pickuese, apo dhelpër dinake

Opinione

Vlora Çitaku, flutur mashtruese, mushkonjë pickuese, apo dhelpër dinake

Rexhep Torte Nga Rexhep Torte Më 2 nëntor 2021 Në ora: 14:38
Vlora Çitaku

Oj Vlora Çitaku, tërë opinioni publik shqiptar po e pret dëshminë dhe rrëfimin tënd për ndarjen e Kosovës, sepse politikania boshnjake Sabina Çudiq ta dha leksionin për atdhedashurinë.

Oj Vlora Çitaku, Kosova të rriti, të shkolloi dhe të bëri ambasadore në SHBA që t’i dalish zot dhe ta mbrosh Kosovën, e jo tu bashkangjitesh tradhtarëve të kombit shqiptar Hashim Thaçit, Edi Ramës e Baton Haxhiut, si edhe pro serbëve e teveqelave  Donald Trump, Mathew Palmer, Richad Grenell dhe kriminelit Aleksandwr Vuçiq për ndarjen e Kosovës.

Kushdo që e tradhton Kosovën e larë dhe të njomur me gjakun e shqiptarëve, do ta merr dënimin e merituar nga Zoti i Madhërishëm në këtë jetë, por edhe në jetën e përtejme, shpëtim nga kjo nuk ka.

Në WEB faqen e “Bota Sot” të datës 28 tetor 2021, në rubrikën Opinione, patëm rastin ta lexojmë tekstin e Prof. Dr. Enver Bytyqi, e studiuesit, analistit dhe sugjeruesit të shkëqyer lidhur me  çështjet ndërkombëtare, evropiane  dhe mbarë shqiptare me titull, “ Sabina Çudiq dëshmoi! Tani e ka radhën Vlora Çitaku të rrëfehet!

Prof. Dr. Enver Bytyqi, në këtë tekst të tij informon se Sabina Çudiq, politikania nga Bosnja dhe Hercegovina ka zbuluar se çka ka ndodhur në vitet 2018-2020 lidhur me planet për ndarjen e Kosovës.

Mathew Palmer- e dërguari i SHBA-ve në Kohën e presidentit Donald Trump, për Ballkanin Perëndimor dhe për Evro Azi, në  një konferencë në Nju Jork, në prill të vitit 2019 i ka thënë z. Sabina Çdudiq, se, “ Ndarja e Kosovës ka marrë fund. Palët kanë rënë  dakord. Po presim një moment të përshtatshëm për ta nënshkruar marrëveshjen në Shtëpinë e Bardhë si ngjarje historike”.

Vlora Çitaku, ish ambasadore e Kosovës në SHBA, me këtë rast i është drejtuar Sabina Çudiqit me fjalët, “Çka po ndërhyn ty në marrëveshjen që Kosova dhe Serbia duhet ta arrijnë”?

Sabina Çudiq i është përgjigjur, “ Sepse me këtë rast ndikimet për Bosnjën dhe Hercegovinën do të ishin të pashmangshme, madje edhe për Ballkanin”!

Sabina Çudiq, thotë se me Vlora Çitakun kishin rënë dakord që të takohen të nesërmen në Këshillin për Siguri të SHBA-ve, por që Vlora Çitaku këtë takim e kishte anuluar në minutën e fundit.

Sipas Prof. Dr. Enver Bytyqi, ky anulim i takimit, është bërë për shkak të bisedës një ditë më parë me Mathew Palmerin.

Kjo na jep të kuptojmë se Vlora Çitaku- ish ambasadore e Kosovës në SHBA, ka bashkëpunuar me autorët që punonin për  shkëmbim territoresh, ndryshime kufijsh dhe ndarjen e Kosovës.

Prof. Dr. Enver Bytyqi, thotë se opinioni publik  ka nevojë për disa spjegime  më të gjëra e më të sakta, të cilat duhet t’i jep Vlora Çitaku, si vijon:

Deri në çfarë mase ka qenë e involvuar Vlora Çitaku  në përpjekjen  për ndarjen e Kosovës?

A ishte si pjesë e  mekanizmit të lobimit proserb për këtë ndarje ?

Pse ajo ishte dakord që marrëveshja KosovëSerbi  të përfundonte me ndarje kufijsh?

Pse e mbështeti këtë ide?

Çfarë roli  i kishte caktuar asaj Hashim Thaçi për të realizuar tjetërsimin e territorit të Kosovës?

Cilat janë bisedat, rekomandimet, premtimet dhe angazhimet e saj para Hashim Thaçirish-presidentit të Kosovës në funksion të  realizimit të idesë  së Serbisë së madhe?

Çfarë ishte planifikuar në takimin në KS të SHBA-ve dhe pse dështoi pjesëmarrja e përfaqësueses së Bosnjë dhe Hercegovinës në këtë takim, nëse është bërë?

Çfarë loje tjetër është bërë në marginat diplomatike për të realizuar një marrëveshje me humbje tërritoresh me Serbinë?!

Prof. Dr. Enver Bytyqi, në vazhdim shkruan se, “Ne  e kemi ditur  ose parashikuar, madje ndonjëherë e kemi thënë se lidhjet e Vlora Çitakut me Hashim Thaçin janë të rrezikshme për Kosovën.

Të gjitha këto pyetje dhe enigma rrjedhin  natyrshëm  pas kësaj dëshmie të  Sabina Çudiq.

Spjegimet i shërbejnë opinionit publik për të mësur se me cilër politikanë  ballafaqohen ata.

Me “Vlorën patriotike dhe të guximshme “ në mbledhjet e  KS të OKB-së për Kosovën, apo me Vlorën e intrigave në prapaskenë për tjetërsimin në favor të Serbisë të territorit të Kosovës ?!

Me Vlorën që në opinion publik shqiptar ka fituar pikë pozitive, pavarësisht  flirteve politike të dëmshme me Thaçin,  apo me Vlorën e vërtetë në shërbim të Aleksandër Vuçiq, Edi Rama dhe Hashim Thaçit?!, shkruan në fund Prof. Dr. Enver Bytyqi.

Oj Vlora Çitaku, ish ambasadore e Kosovës në SHBA, Prof. Dr. Enver Bytyqi dhe opinioni mbarë shqiptar po pret me padurim të prononcohesh, se s’ke kah ia mban.

Më 10 shtator 2021, në  WEB faqen e “Bota Sot”ne tekstin e gazetares Majlinda Haziri me titull , “ E quajti “Shou” dhurimin e librave  nga Kurti për Vuçiqin, analistët reagojnë ashpër ndaj Çitakut, ja çfarë i kujtojnë”.

Në fiillim të këtij teksti shkruan se Vlora Çitaku, ish ambasadore e Kosovës në SHBA, së fundmi  ka deklaruar në lidhje me  takimin që kyeministri Albin Kurti pati me presidentin Vuçiq në korrik të këtij viti.

Ajo shprehet se Kurti i dhuroi Vuçiqit librat për gjenocid në Kosovë vetën për të bërë “shou”, shkruan në fillim të tekstit të saj gazearja Majlinda Haziri.

Oj Vlora Çitaku, ish ambasadore e Kosovës në SHBA dhe aktualisht nënkryetre e PDK-së, për  këtë  deklaratë tënde  skandaloze e të turpshme ndaj Kryeministrit Albin Kurti pati reagime të shumta, reaguan edhe analistët politik  Gani Qarri  dhe Prof. Sulejman Mehazi.

Oj Vlora Çitaku, ish ambasadore e Kosovës në SHBA,  duhet ta keshë ditur  se shpërndarja e librave në OKB dhe BE dhe KE, do ta  demaskonte  në mënyrë të fuqishme argumentuese Serbinë agresore gjenocidale e kriminale, e cila nëpërmjet gënjeshtrave po mundohet t’i mbulojë krimet shekullore të kryera ndaj shqiptarëve në Kosovë dhe në tërë trojet shqiptare.

Shpërndarja e këtyre librave  në OKB, BE dhe KE, do ta arrinte efektin e duhur në të mirë të Kosovës dhe të mbarë shqiptarëve , mijëra herë më shumë se qindra diplomatë nga Kosova dhe Shqipëria.

Oj Vlora Çitaku, tani na trego se çfarë “shou” paske  ke bërë ti si ish ambasadore e Kosovës në SHBA.

Vitin që shkoi në Facebookun tënd e publikove  foton tënde si voglushe  me dy gishta të çuar lartë, si përgjigje ndaj brutalitetit të Serbisë kriminale.

Pastaj në  WEB faqen e “Bta Sot” u publikua teksti nga ditari yt  me titull “Më ra t’fikt”, me  mbresa nga puna yte  si përkthyese për të huajt gjatë luftës në Kosovë, gjatë një vizite në malet e Kosovës ku ish  fshehur nën qiellin e hapur gra, pleq e femijë. Siç thoshe ti nga gjendja e vështirë në të cilë ndodheshin këta civile kosovarë të kishta ra t’fikt. Megjithatë edhe në këto kushte të vëtira, motrat e tua kosovare ta kishin përgatitur njw filxhan me lafe të të kthjellonin.

Para një muaji  në WEB faqen e “Bota Sot” e shikuam foton tënde si voglushe me veshje kombëtare dhe me qiteli në dorë.

Me sa duket  këto mparaqitje në opinion nëpër Facebookun tënd i paske bërë për propagandë personale, por paske harruar se opinioni publik kosovar është vetëdijësuar shumë dhe nuk e hanë më sapunin për djathë.

Oj Vlora Çitaku, tani na mbetet ta dëgjojmë pjesësn tënde të dëshmisë, si vazhdim i rrëfimit të Sabina Çudiq lidhur me planet për ndarjen e Kosovës, mbi bazën e pyetjeve që ti ka drejtuar Prof. Dr. Enver Bytyqi i nderuar. Po presim.

Jeta është luftë me sfidat, por moralin dhe karakterin e ruajnë, dhe nderimin e respektin kombëtar e njerëzor, e fitojnë vetëm ata që jetojnë dhe punojnë me ndershmëri, koshiencë, sinqeritet e fisnikëri, ndërsa ata që  hapin gropa  për Kosovën  dhe për popullin e shumëvuajtur të Kosovës,  bien vetë në to.

comment Për komente lëvizni më poshtë
Sot mund të lexoni Shfletoni kopertinat