Bravo Vjosa, kështu nderohet familja Jashari..!!!

Opinione

Bravo Vjosa, kështu nderohet familja Jashari..!!!

Faton Mehmeti Nga Faton Mehmeti Më 30 nëntor 2021 Në ora: 21:19
Presidentja Osmani emëron gjeneralmajor Bashkim Jasharin, komandant të ri të FSK-së

Lajmi i ditës së martë, një ditë pas Festës së Flamurit Kombëtar, ishte: Presidentja e Kosovës, Vjosa Osmani, njëherësh Komandante Supreme e Forcës së Sigurisë së Kosovës, ka emëruar gjeneral-major, Bashkim Jasharin komandant të ri të Forcës së Sigurisë së Kosovës, në përputhje me kompetencat kushtetuese. Këtë lajm të mirë e kanë pritur të gjithë me gëzim, kur dihet se kush është Bashkimi.

Bashkimi është një anëtar i familjes legjendare Jashari, djali i Rifat Jasharit dhe nipi i Komandantit Adem jashari. Bashkimi ka një karrierë të gjatë ushtarake, të cilën e kishte nisur me uniformën e UÇK-së. Ky emërim vjen pasi Gjeneral-lejtnant Rrahman Rama dha dorëheqje. Ky ëmrim nga Presidentja Osmani është vendim i qëlluar, nderon jo vetëm familjen Jashari, por edhe shtetin e Kosovës.

Dorën në zemër shumë herë janë “koritur” përballë kësaj familjeje legjendare. Ata që janë thirrur në emër të famijes Jashari, janë po ashtu ata që më së shumti e kanë keqpërdorur emrin e saj për të arritur në pushtet, eh ky pushtet ku të mirat s`kanë të sosur, fundi nuk i dihet: Pushime të shtenjta, shtëpi të mira në Margionë, vetura të shtrenjta për veten, gruan, fëmijët, edhe dashnoret, blerje pa kursim, vizita ku të duash, pa i dhënë llogari askujt “shteti jam unë”.

Deri sot s`kanë bërë absolutisht asgjë për të mirën e familjes Jashari, ata që me gojën plotë trillonin tregime nga më të ndryshmet “për ndejat e gjata me Ademin, aksionet e para i kanë kryer bashkë”.

Këto edhe shumë të tjerave iu ka ra maska moti. Janë po ata që u bënë bashkë me të gjitha forcat për ta rrezuar nga karrigeja e të parit të komunës nipin e Ademit, djalin e Hamzës, me paturpësinë e pafundme edhe duke festuar.

Janë po ata që nuk e kanë shkelur pragun e familjes Jashari me vite të tëra, nuk janë të mirëseardhur aty, e dinë vet se çfarë kanë bërë.

U desh të vinë në pushtet ata që nuk janë thirrur kurrë në emër të familjes Jashari për ta nderuar atë, jo me fjalë, por me vepra konkrete. Emërimi i bahskim Jasharit, nderon familjen Jashari, por edhe FSK-në, pasi ka në krye të saj një person të përgatitur shumë mirë. Nderon edhe Kosovën sepse në krye të ushtrisë ka nipin e komandantit legjendar, që dha jetën për këtë ushtri.

Ky nëntor i lavdishëm s`mund të mbyllej më mirë, më me dinjitet dhe peshë se duke vu në krye të ushtrisë, nipin e komandatit legjendar. E duartrokas këtë vendim të presidents Osmani, veprim i duhur edhe pse është dashur më herët të ndodhte, gjithësesi për të nderuar dikë nuk është vonë asnjëherë.

Më shumë ka pasur nevojë FSK për Bashkimin se Bashkimi për FSK-në edhe pse nuk është mbase i duhur krahasimi, kjo ndodh për të treguar peshën që ka Bashkimi, familja Jashari për Kosovën, FSK dhe çdo gjë që ka të bëj me Kosovën.

commentFirst article
Sot mund të lexoni Shfletoni kopertinat