Palca e gurit dhe hijëzimet e trurit

Opinione

Palca e gurit dhe hijëzimet e trurit

Nga: Nue Oroshi Më: 3 dhjetor 2021 Në ora: 21:35
Nue Oroshi

Pranë palcës së gurit gjithmonë janë shfaqur hijëzimet e trurit. Këto hijëzime duke ecur në një rrugë pa shtegdalje i afrohen biografisë së hijezuar të personave që kanë problem me vetveten. Të pasurit problem me vetveten paraqitet vetëm tek ata përsona që kërkojnë më shumë se sa e kanë të shtrirë hapin pa i parë fare vijëzimet e trurit që ju kanë mbushur me shenjat e hijezuara. Në këtë prizëm mund të shikohen edhe veprimet politike të cilat shpeshherë i kalojnë mundësitë intelektuale të politikanit.

Ky hijëzim intelektual i politikanëve e bën ndaljen e ecjakjeve që të ecë në rrugën e duhur vendi. Kur poret e trurit e luftojnë vendimin pa e ditur fare së vendimi që merr një politikan shkakton pakënaqësi dhe shpeshherë e dëmton vendin me vendimin e tij. Ky dëm që i shkakton politikani vendit të tij ka të bëjë me vetëdijen e ulët kombëtare dhe me grykësinë e tij prej një gllabëruesi të papërmbajtur, i cili ka vetëm një qëllim si të vjen deri të pasurimi.

Pasuria shpirtërore apo lëndore dhe ajo ekonomike apo financiare dallojnë me njëra-tjetrën. Dallojnë për faktin sepse çdo njeri mund të bëhet i pasur gjatë rrugëtimit të tij me një punë që mund ta kryen gjatë jetës se tij. Por pasuria intelektuale është pasuri që e krijojnë vetëm pak njerëz. Ajo është e vështirë të krijohet, sepse dëshiron sakrificë jetësore dhe aktvizim të trurit për çdo ditë. Por palca e gurit dhe hijezimit të trurit e luftojnë njëra-tjetrën në mes të punës që bëjnë intelektualët si dhe vendimit që marrin politikanët.

Politikanët mund ta marrin një vendim të mirë apo të keq pa i analizuar fare pasojat e vendimit. A thua sot politika jonë shqiptare konsultohet me intelektualët apo pozita i bën aq të mençur saqë ju mbështjell trurin e vogël me një hijezim si dhe ju errëson sytë e nuk shohin asgjë para vetës dhe nuk kanë nevojë ta konsultojnë askënd për vendimet e tyre.

Politikanët kanë shumë gjëra në dorë nëse ecnin në të mbarë. Por nëse e lënë rrugën e Zotit dhe e përqafojnë atë të djallit i shkaktojnë dëme të pariparueshme shoqërisë shqiptare. Ajo që vlen të theksohet është për të ardhur keq neglizhimi i shkencës dhe kulturës shqiptare që i ka bërë politika e papërgjegjshme tash e tri dekada në Shqipëri e tash e dy dekada në Kosovë.

Politikanët së bashku me studiuesit dhe shkenctarët nëper institucione shkencore në Shqipëri dhe Kosovë kanë dështuar plotësisht. Për tri dekada në Shqipëri dhe për dy dekada në Kosovë është dashur në mënyrë institucionale të ndriçohet historia shqiptare. Të vendosin në vendin e duhur figurat tona historike qoftë ato atdhetare qoftë ato figura që u morën me pasurimin e shkencës dhe kulturës shqiptare. Uroj që politikanëve tanë në të ardhmën mos t´iu vijëzohet truri dhe mos të shohin asgjë para vetës por të punojnë që shkenca dhe kultura shqiptare të ec përpara. Duhet hequr iluzioni se nuk e përkrah këtë apo atë projekt me moton se projekti është i shkëlqyeshëm por ata që e paraqesin janë kritikuesit tanë.

Pa kritikë nuk ecët përpara. Kritika me vend e qon para shoqërinë. Dallimi në mes të vijëzimeve dhe hijezimëve të trurit ku edhe mbyllën sytë dhe nuk shihet asgjë nga projektët që vijnë jashtë vijës insitucionale apo klanore e lënë mbrapa shoqërinë shqiptare. Palca e gurit dhe hijëzimet e trurit sot po e luftojnë njëra-tjetrën dhe dikund në një largësi paraqitet mendimi se pa aktivizimin e mendjws intelektuale nuk ecë përpara çështja shqiptare.

commentFirst article
Sot mund të lexoni Shfletoni kopertinat