Historia evulon dhe ndryshon sepse historia ecën përpara krahas kohës. Koha shkon drejt të ardhmes e kështu edhe shoqëria. Koha ndërton mite, por janë po koha dhe e vërteta e drejtësia ato që i rrëzojnë mitet.
Mitet e sotme në shoqërinë moderne nuk janë më individët, por janë Demokracia, Liria, Drejtësia dhe Antikorrupsioni.
Ajo që vihet re edhe në Kosovë është fakti se atje oipininistët , analistët dhe mbështetësit e Rugovës janë më aktivët pro ndëshkimit të krimit e të korrupsionit dhe të bartësve të tyre në Kosovë. Te ata vërehet një kritikë e kundërshti me shumë te drejtë edhe kundër kryeministrit të Shqipërisë Edi Rama dhe ndaj korrupsionit,papërgjegjshmërisë kombëtare si dhe ndëshkimit të deputetëve dhe të administratoreve të tij dhe tërë keqqeverisjes së tij.
Mirëpo kur vjen puna mbështetësit e Rugovës kryesisht , të atyre që deklarohen si të tillë edhe si proamerikanë, kur vjen puna ata cuditërisht dalin kundër linjës së SHBA-ve të cilat kanë shpallur “non grata” Sali Berishën për korrupsion dhe për avokati të tij ndaj korrupsionit.
Ndershmëria dhe sinqeriteti intelektual e mediatik i lirë e i pavarur nuk mund te jetë i njënashmëm, sepse kur ato paraqiten me dy standarde atehere kjo i kompromenton intelektualët dhe kritikët të cilët pretendojnë që të jenë objektiv dhe sa më të logjikshmëm e me kritikë të pastër. Në Kosovë vërehet se kanë simpati tani për kundërshtinë ndaj “non gatës” amerikane e kanë edhe ata të cilët janë në listën e zezë e që priten të shpallen edhe ata “non grata”.
Sot brënda Partisë Demokratike, është beteja politike midis të vjetrës autokratike, korrupsionit dhe pandryshueshmërisë nga njëra anë, dhe demokracisë, lirisë, ndryshimit e antikorrupsionit nga ana tjetër.
Kuvendi i “Rithemelimit” rikthyes e regresiv i elitës së vjetër politike të Partisë Demokratike të Shqipërisë
Ky fraksioni politik i këtij kuvendi rithemelimi i shërben Partisë Demokratike, sepse: është veprim vetëpërjashtimor i elitës së vjetër politike të Partisë Demokratike dhe shënon fundin e tranzicionit të PD-së. Ky fraksion është elita e vjetër e PD-së si do që si forcë politike që të emërtohet nesër ai, pra këta i përkasin së vjetrës dhe të shkuarës.
Dhe këtë vetëpërjashtim të tyre e “ndihmuan” edhe 35 deputetët e Partisë Demokratike të cilët nuk morën pjesë në atë Kuvënd të rithemelimit rikthyes e regresiv të së shkuarës e të vjetrës dështake e pengmarrëse të Partisë Demokratike; si një lëvizje bllokuese e penguese për të ardhmen; pengues për integrimin; pengues për demokracinë dhe pengues për ndëshkimin e korrupsionit; si një përpjekje për ta zgjatur tranzicionin në Shqipëri.
Dhe nëse ky Kuvënd do ta quaj Partinë e tij si Parti konsevartore, në fakt kjo si parti mishëron, ruan e konservon të vjetrën e saj: interesin e atij grupi dhe ate personal të tyre,privilegjet e perfitimet dhe mbrojtjen e korrupsionit të tyre, dhe rrjedhimisht nuk do të ketë të ardhme dhe as peshë politike, aq më tepër kur atë nuk e njohin as SHBA-të.
Ky kuvend shënoi ndarjen e Partisë Demokratike, ku “Grupi i Rithemelimit” pretendon si një organizatë sovranisto-konservatore, si disa parti të disa shteteve të BE-së të cilat promovojnë prirje sovraniste kundër SHBA, BE e NATO-s, parti të cilat mbështeten nga Rusia.
Pra ky grupim është ai i cili e mbajti PD-në në moszhvillim e mosprogres demokratik.
Një anim drejt kësaj ideologjie “sovraniste” te Grupit të Rithemelimit të Partisë Demokratike Shqiptare kur Shqipëria nuk është akoma antare e BE-së, si dhe një lëvizje e tillë anti-SHBA është tërësisht kundër dëshirës së madhe të Shqiptarëve për antarësim në BE,si dhe për faktin tjetër se Shqiptarët janë kombi më proamerikan në Botë.
Nuk mund të akuzosh ambasadoren amerikane si guvernatore sic bën Berisha dhe disa të tjerë të këtij grupi , si dhe as aventura e nje farë peticioni kundër saj, dhe kur, pikërisht edhe në kohen kur SHBA dhe perendimi kanë problemin e madh, atë të luftës në Ukrainë. Kjo duket haptazi si një veprimtari anti-SHBA përderisa edhe Sekretarja amerikane e Shtetit për Çështjet Europiane dhe Euroaziatike Karen Donfried tha:
“Mund t’ju siguroj që Presidenti i Shteteve të Bashkuara Joe Biden, Sekretari i Shtetit i Shteteve të Bashkuara Tony Blinken dhe unë, të gjithë kemi besim të plotë tek Ambasadorja Yuri Kim”.
Pra “sovranistët” berishistë thonë si dikur Enver Hoxha për “Rrezikun anglo-amerikan për Shqipërinë”, dhe ndoshta janë nostalgjikë dhe të frymëzuar nga ky libër i diktatorit.
Por ajo që vihet re kryesisht , është qëllimi i organizatorëve të këtij kuvendi, i cili është: mbijetesa e tyre e përjetshme në politikë si deputetë pasi nuk mund të vazhdonte më kjo elitë e vjetër dështake e tillë , si deputetë të përjetshëm të Partisë Demokratike.
Pra interesi i këtyre “sovranistëve” është thjesht politiko-personal për privilegje dhe nuk është as demokracia, as sovranizmi, as konservatorizmi dhe as interesi publik.
Unë Skënder Kapiti që vij nga një familje patriotike dhe kundërshtare e regjimit komunist jam antar i hershëm i Partisë Demokratike që në ditët e para të themelmit të saj, dhe pikërisht pse gjithmonë kam shprehur qëndrimin tim si nacionalist e antikomunist të cilat janë themeli i konservatorizmit kurrë nuk pashë në PD as antikomunizëm , as nacionalizëm dhe as në lidhje me pronën, por vetëm retorika false patriotizmi e antikomunizmi.
Përballë kësaj unë kam qenë që në vitin 1994 kritik i kësaj elite politike që e ka mbajtur peng PD-në, Demokracinë, pronën dhe Drejtësinë në Shqipëri dhe që tani pas 30 vitesh janë grumbulluar tashmë në këtë “Grup Rithemelimi” dhe në këtë Kuvënd të tij.
Kam mbështetur fuqimisht me dhjetra shkrime, analiza e opinione Reformën e Vetting-ut në Drejtësi, duke shpresuar se ajo do të bëjë Vetting-un edhe të politikës dhe ndëshkimin e tradhtisë e të korrupsionit të saj.
Tani SHBA duke e parë se elita e vjetër politike ajo PS+PD janë shkaktarë e këtij tranzicioni, SHBA-të që kanë meritën e jashtëzakonshme që mundësoi Vetting-un, këtë kryereformë jetike për Shqipërinë, dhe po SHBA po mbështesin Partinë Demokratike, atë zyrtaren , jo këta të të ashtuquajturit Rithemelimi, me qëllim që Shqipëria të shkojë përpara e të shkëputet duke e lënë në të shkuarën e tij edhe këtë tranzicion traumatik 30 vjecar.
Nuk janë të vërteta pervecse manipulime, korrupsione e mercenarizma mediatik e intelektual përpjekjet e tyre për ta juistifikuar antidemokracinë, antiamerikanizmin dhe korrupsionin e atyre që SHBA i shpall “non grata”, të atyre që fantazojnë se do mashtrojnë me idera e me fantazira ideologjike si rasti i këtyre “sovranistëve” që duan të rikthehen e ta uzurpojnë përsëri Partinë Demokratike.
Për cfarë sovranitreti flasin këta, kur këta PD-në kurrë nuk e lejuan as demokratike, as të lirë e as sovraniste, gjë që e vertetoi edhe kuvendi i tyre ku organizatorët e saj janë e vjetra dështake dhe interesi personal, korrupsioni, tarafi,klani e farefisnia.
Për cfarë sovraniteti flasin këta të këtij kuvëndi , a mos ky Grup regresiv Rithemelimi e quan se PD ka humbur “sovranitetin” pse Partinë Demokratike zyrtare e mbështesin SHB-të?!
