Vlerësimin e Skënder Kapitit për Xhafer Devën duhet ta marrin në konsideratë institucionet shtetërore

Opinione

Vlerësimin e Skënder Kapitit për Xhafer Devën duhet ta marrin në konsideratë institucionet shtetërore

Nga: Ilir Malindi Më: 21 maj 2022 Në ora: 09:46
Ilir Malindi

Unë Ilir Malindi me profesionin e avokatit, historianit,shkrimtarit e publicistit jam autor i librave” KOSOVA është imja”, “ LUFTA IME” kushtuar Ibrahim Rugovës dhe deri tani i 50 volumeve të “United States of Albania”. Për figurën kombëtare dhe për kontriburtin e jashtëzakonshëm të Xhafer Devës, për luftën e tij kundër serbo-cetnikëve serbë, si antikomunist dhe si nacionalist i madh për cështjen kombëtare, për Bashkimin Kombëtar, e kam mësuar shumë heret që kur isha në moshë të re nga shqiptarët e Kosovës, nga patriotët kosovarë të cilët kanë qenë bashkëluftëtar të tij ,si dhe nga ata pak shqiptarë të Kosovës që kishin mundësi që ta vizitonin Shqipërinë në kohën e diktaturës.

Duke e njohur aktivitetin e Devës dhe të nacionalistëve të tjerë nga Kosova, kjo ka qenë edhe një prej arësyeve që unë kam qenë kritik kundër regjimit komunist që në atë kohë , kuptohet në biseda sepse në atë kohë se po të dilje hapur e vetëm ta përmëndje për mirë Xhafer Devën, në Shqipëri përndiqeshe e dënoheshe si nacionalist e kundërshtar i komunizmit, gjë që edhe jam survejuar e ndjekur nga sigurimi i asaj kohe.

E vizitoj shpesh Kosovën sepse që në fëmijëri më kanë edukuar prindërit për respekt dhe dashurinë për Kosovën, gjithmonë i kam ndjekur me interesim te vecantë të gjitha zhvillimet në Kosovë, demonstratat e vitit 1968, 1981, veprimtarine e Ibrahim Rugovës për të cilin kam shkruar një libër, si dhe kam ndihmuar me aq sa kam pasur mundësi luftën e UCK-së.

Këtë shkrim të shkurtër për ta shkruar, mora shkas dhe më nxitën disa shkrime të nacionalistit, historianit dhe juristit Skënder Kapiti mbi aktivitetin e jashtëzakonshmën e të rrallë të Xhafer Devës për cështjen e madhe kombëtare shqiptare.

Kapitin dhe familjen e Sadri KAPITIT edhe i njoh shumë mirë si familje nacionaliste kosovare dhe që historikisht në cdo periudhe kohore kanë kontribuar për lirinë e Kosovës,gjë për të cilën individë dhe shoqata nga Shqipëria i kanë kërkuar edhe publikisht e mediatikisht Presidentes së Kosovës Znj. Osmani dhe Kryeministrit Kurti që t’i dekorojë vëllezërit Kapiti.

Pasi kam studiuar shumë dhe me detaje për aktivitetin e Xhafer Devës dhe duke iu referuar shkrimit më të fundit të Skënder Kapitit me titull “Xhafer Deva, etalon dhe shëmbulli më i lartë i patriotizmit dhe nacionalizmit shqiptar”, ku Kapiti e quan me të drejtë Devën, HERO TË MADH, mendoj se këtë shkrim mjaft mirë të shkruar, argumentuar, gjykuar e vlerësuar prej tij , këtë shkrim ta marrin si referencë institucionet e Shtetit në Kosovë për ta vlerësuar figurën e Xhafer Devës dhe për ta shpallur atë HERO.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat