Pas mbështetjes që ja dhanë çifti "mbretëror" i Demokratëve, Obama, sigurisht se kandidati demokrat për President të ShBA'së do të jetë Kamala Harris.
Znj. Harris, që nga tashti, pas tri-katër performancave, e ka tretë boshllëkun që ishte në favour të z. Tramp, i cili u krijua sidomos pas duelit të fundit Bajden-Tramp e në veçanti pas atentatit të dështuar në z. Tramp.
Znj Harris, si një fëmijë i një çifti të përzier "zezako-hinduse", padyshim se do t'i merr shumicën e votatave nga këto komunitete, pastaj shumicën e votave të "Gjeneratës së Mileut" dhe "Gjeneratës Z", për të cilat grupmosha z. Tramp është antikitet.
Grupi i votuesve të z. Tramp, i ashtuquajturi "baby boomers", pra ata të lindur pas L2B e deri me 1965, është zvogluar për shkak të proceseve natyrore. Ky grup i votuesve ishte mbështetësi më i madh i z. Tramp.
Gjersa, grupi votues i ashtuquajturi "Gjenerata X", që përbehet nga të lindurit në mes viteve 1965 -1980, varësisht nga gjeografia dhe grupi social, të dy kandidatët kanë votues. Por sikur edhe këtu znj Harris ka përparësi edhepse z. Tramp e ka zbutur retorikën.
Sidoqoftë, duke i patur parasysh të gjitha faktet, ndonëse është akoma herët sepse shumëçka varet nga fushata zgjedhore, znj Harris ka gjasa shumë të mëdhaja të bëjë historinë në ShBA.
