Ndalni këto predikime absurde mbi kataklizmin!
Më e keqja që mund të ndodhi është që ky konflikt të eskalojë dhe ShBA të përfshihet direkt në anën e Izraelit për shumë arsye.
Zatën edhe ashtu Irani është i bindur se ShBA është mbrapa sulmit të Izraelit (po i shoh edhe disa antiperendimorë shqiptarë që e trumpetojnë një gjë të tillë).
Andaj Irani mund t'i sulmojë disa objektiva amerikane në Lindjen e Mesme - siç janë kampet e forcave speciale në Irak, bazat ushtarake në Gjirin Arabik/Persik apo misionet diplomatike në rajon.
Mund gjithashtu, në bashkëpunim me agjencitë e spiunazht të Rusisë (GRU/SVR dhe FSB) t'i organizojë forcat paramilitare si Hamas dhe Hezbollah për sulme terroriste anë e mbanë, jo vetëm të Lindjes së Mesme, por edhe të vendeve të ndryshme perendimore.
Pastaj Irani, pasi nuk po mundet ta dëmtojë Izraelin për shkak të mbrojtjes së sofistikuar që e ka, si kompensim mund t'i sulmojë me raketa vendet e Lindjes të cilat Irani beson që i kanë ndihmuar dhe mbështetur Izraelin/ShBA'të.
Sidomos shtetet e Gjirit si bie fjala Kuvaitin apo Katarin dhe sitëtillet.
Nëse keto shtete sulmohen, atëherë ato zyrtarisht mund të kërkojnë involvimin e ShBA'se, siç ishte rasti kur Sadami sulmoi Kuvaitin në gusht të 1990'ës.
Edhe ashtu këto vende i kanë bazat ajrore amerikane në territoret e tyre.
Mundësi tjetër është edhe rënia e regjimit të ajatullave në Iran. Veç po shifet një rrijte e entuziazmit të opozitës iraniane anti klerike gjithandej.
Sidomos ky sulmi i tashëm goxha i sukseshem i Izraelit, qoftë ndaj instalimeve nukleare në Esfahan apo të eliminimit të esnafit ushtarak, i ka rritur shpresat në rrëzimin e "regjimit revolucionar islamik". Sikur deklarata e Natanjahut se "qëllimi i tij më i gjerë përfshin ndryshimin e regjimit" e ka gëzuar opozitën.
Por rrëzimi i hyçmetit sjell me vete edhe boshllëkun. Atëhere Irani do të kalojë nëpër një periudhë kohore goxha të gjatë të anarkisë derisa të përforcohet sistemi i ri (demokracia).
E kemi eksperiencën e Revolucionit të 1979'ës, pastaj rënien e Sadamit, Sirinë etj.
