Pezullimi i Dialogut Kosovë-SHBA: Një alarm për Prishtinën

Opinione

Pezullimi i Dialogut Kosovë-SHBA: Një alarm për Prishtinën

Nga: Nijazi Halili Më: 12 shtator 2025 Në ora: 15:50
Nijazi Halili

Deklarata e Ambasadës së SHBA-së më 12 shtator 2025 për pezullimin e Dialogut Strategjik është një sinjal i qartë: marrëdhëniet me aleatin tonë më të madh janë në krizë. Ky nuk është një veprim formal, por pasojë e sjelljes së qeverisë së përkohshme, që ka krijuar tension dhe mosbesim.

Kosova nuk mund të përballojë ftohjen e raporteve me SHBA-të. Çdo përplasje politike e përdorur për konsumin e brendshëm dëmton interesin strategjik të vendit. Pasojat ndihen menjëherë: projekte të ngurta ekonomike dhe bashkëpunim politik rrezikohen, ndërsa stabiliteti i vendit vihet në provë.

Është momenti për reflektim dhe kthesë të qartë: politika duhet të kalojë nga përplasja tek diplomacia e besimit dhe bashkëpunimit. Marrëdhëniet me SHBA-të nuk janë vetëm interes shtetëror, por garanci për të ardhmen e Kosovës.

Vetëm duke vendosur interesin e vendit mbi kalkulimet e ngushta politike mund të rifitohet besimi i partnerit strategjik dhe të forcohet pozita ndërkombëtare e Kosovës.

comment Për komente lëvizni më poshtë
Sot mund të lexoni Shfletoni kopertinat