Juristja që s’prodhon efekte juridike

Opinione

Juristja që s’prodhon efekte juridike

Nga: Kimete Berisha Më: 25 mars 2026 Në ora: 21:06
Vjosa Osmani

Vjosa Osmani Sadriu

(Raport jozyrtar, i hartuar me vëzhgim të vazhdueshëm dhe syçeltësi.)

Pozita:

Presidente e Republikës së Kosovës

Vetëpërkufizimi i preferuar:

Zëri i popullit

Vendbanimi simbolik:

Afër popullit në fjalime.

Afër milionerëve në terren.

Periudha e vlerësimit:

Mandati aktual, me fokus të veçantë në performancën vizuale, deklarative dhe ndërtimore.

...

1. AFTËSI NDËRTIMI

• Ka demonstruar kapacitet të admirueshëm për zhvillim paralel të pronës private.

• Ka menaxhuar me efikasitet të plotë ndërtimin e dy shtëpive në zonë elitare.

• Ka mbikëqyrur proceset ndërtimore me përkushtim të lartë, duke përfituar nga mbështetja logjistike e rojeve shtetërore,

të cilët, përveç sigurisë, kanë pasur rastin të ndjekin nga afër edhe progresin e punimeve.

• E menaxhon pronën private me seriozitet shtetëror.

• Ka përfituar nga një model i rrallë i administrimit:

siguri publike për interes privat.

Verësim:

Ambicioze në metra katrorë.

...

2. AFTËSI PROTOKOLLARE TË NIVELIT TË LARTË

• Me stabilitet institucional ka zhvilluar një kompetencë të qëndrueshme në:

• vendosjen e këmbës mbi këmbë

• pozicionimin korrekt para kamerës

• shtrëngimin e duarve me liderë

• buzëqeshjen diplomatike me disiplinë

Vlerësim:

S’ka vërejtje.

...

3. AFTËSI PËR MODESTI ME KOSTO TË LARTË

• Arrin të flasë me bindje për:

• drejtësi sociale

• nevojat e qytetarëve

• vuajtjet e njerëzve

• Ka aftësi të rrallë për ta mbajtur tonin moral lart, ndërsa standardin e jetesës edhe më lart.

• Demonstron elasticitet të admirueshëm në raport me parimet:

• kur i shërbejnë, janë historike

• kur s’i shërbejnë, janë të vjetra

Vlerësim:

Modeste në fjalë.

E kushtueshme në praktikë.

...

4. AFTËSI PËR TË QENË OPOZITË NGA ZYRA E PRESIDENTES

• Ka demonstruar aftësi të veçantë për:

• të folur si e paangazhuar

• reaguar si e sulmuar

• moralizuar si shenjtore lokale

• Arrin të qëndrojë në qendër të konfliktit, duke u paraqitur si mbi të.

• Arrin të jetë njëkohësisht:

• në pushtet

• në protokoll

• në qendër

• dhe megjithatë… me shpirt opozitar

Vlerësim:

E shkëlqyeshme në rol të dyfishtë:

Presidente në zyrë, opozitë në ton.

...

5. AFTËSI TË VEÇANTA

(Shtesa e domosdoshme në dosjen morale të performancës.)

• Shfaq aftësi të lartë për të folur keq për kundërshtarët.

• Demonstron fleksibilitet të admirueshëm në raport me të vërtetën, veçanërisht kur bindet se pala tjetër “e meriton” të mashtrohet.

• Ka aftësi të rrallë për t’u dukur e sinqertë.

• Reagon me shpejtësi të lartë në hakmarrje, duke ruajtur njëkohësisht tonin moral të lënduar dhe pamjen publike të viktimës.

• Mund ta kthejë zemërimin personal në qëndrim institucional, me efikasitet të lartë.

• E përdor indinjatën si metodë pune, dhe lëndimin si burim legjitimiteti.

• Ka kujtesë të mirë për ofendime.

• E mbron veten me ton shtetëror.

• Dhe shtetin me ton personal.

Vlerësim:

E pashoqe.

...

6. AFTËSI PËR KUSHTETUTË KREATIVE

• Ka treguar fleksibilitet të admirueshëm në raport me interpretimin e kohës dhe hapësirës.

• Demonstron gatishmëri të lartë për ta trajtuar Kushtetutën si tekst të hapur për interpretim emocional.

Vlerësim:

Inovative në lexim.

...

7. AFTËSI PËR TË QËNDRUAR NË MES

TË TË GJITHA KAMERAVE

• Ka sens të lartë orientimi mediatik.

• Arrin të jetë:

• në qendër të kuadrit

• në qendër të vëmendjes

• dhe shpesh në qendër të keqkuptimit

• Ka ruajtur vazhdimësi të admirueshme në performancë vizuale presidenciale.

Vlerësim:

Stabile në kënd.

...

8. AFTËSI PËR T’U DHËNË LEKSIONE KUNDËRSHTARËVE

• Shfaq kompetencë të lartë në:

• qortimin moral të kundërshtarëve

• ligjërimin mbi standardet demokratike

• kujtesën selektive

• Mund të flasë me bindje të plotë për:

• shtetin ligjor

• etikën publike

• përgjegjësinë institucionale

Vlerësim:

Shumë e fortë në predikim.

...

9. RREZIQE PËR REPUBLIKËN

Honorificabilitudinitati…bus.

(Love’s Labour’s Lost)

...

10. DOBËSI PROFESIONALE

Sekret.

Vlerësim:

Tejkalon pritshmëritë.

...

11. VLERËSIMI PËRFUNDIMTAR

Shkëlqen në protokoll.

Ndërton në privat.

Flet në emër të popullit.

Dhe herë pas here… e lodh Republikën.

...

12. NË PROCES

• U ankua se ia kanë përqeshur frizurën.

• Një kalimtari me setër të bardhë i tregoi:

“S’po duan të më bëjnë Presidente.”

• Sot Kushtetuesja i tha se dekreti i saj s’prodhon efekt juridik.

(Juristja që s’prodhon efekte juridike.)

• Dje qau në një tubim… pas 27 vitesh.

Me lot.

• Më pas, u zgjerua rasti: “I’m every woman… It’s all in me…”

• Dhe vazhdoi turneun emocional:

rrugë, dyqane, çajtore…

...

P.S. Me respekt,

Kimete Berisha,

bashkëvendase e Presidentes.

...

AUTOKRITIKË:

Kija inatin - jepja hakun.

comment Për komente lëvizni më poshtë
Sot mund të lexoni Shfletoni kopertinat