​Në Skenderaj zhvillohet turneu i pingpongut “Dr. Fatmir Fazlija”

Tenis

​Në Skenderaj zhvillohet turneu i pingpongut “Dr. Fatmir Fazlija”

Më: 16 qershor 2026 Në ora: 14:51
Fotoilustrim

Federata e Pingpongut e Kosovës ka njoftuar se më 20 qershor 2026, në Skenderaj do të organizohet edicioni i 6-të i Turneut Memorial të Pingpongut për Veteranë “Dr. Fatmir Fazlija”, aktivitet tradicional kushtuar nderimit të figurës dhe kontributit të tij në sport dhe komunitet.

Ky aktivitet do të zhvillohet në sallën e SHML “Anton Qetta”, derisa para fillimit të garave do të mbahen homazhe në ora 09:30 te busti i Dëshmorit në oborrin e QKMF-së dhe në ora 09:45 pranë shtatores së Adem Jasharit.

Nga ora 10:00 do të mbahet ceremonia zyrtare e hapjes, pas së cilës do të fillojnë garat në kategoritë 40–49 vjeç, 50–59 vjeç, 60–65 vjeç, 66–69 vjeç dhe 70+.

Sipas FPK-së, ky aktivitet synon të ruajë traditën sportive, të promovojë vlerat e respektit dhe miqësisë ndërmjet sportistëve veteranë, si dhe të nderojë kujtimin dhe veprën e Dr. Fatmir Fazlisë.

Sot mund të lexoni Shfletoni kopertinat