Fitoi medaljen e artë evropiane në karate, Selmani: Mos u dorëzoni kurrë

Xhudo

Fitoi medaljen e artë evropiane në karate, Selmani: Mos u dorëzoni kurrë

Më: 19 qershor 2022 Në ora: 20:27
Islam Selmani

Sporti i karatesë po vazhdon të sjellë suksese të jashtëzakonshme për Kosovën.

Kosova së fundi u prarua me medaljen e artë të cilën ia solli garuesi i kategorisë Junior Male Kumite (lufta) -55kg, Islam Selmani në Kampionatin Evropian të karatesë i cili përfundoi më 19.06.2022 në Pragë të Çekisë, ku për herë të parë në histori dëgjohet himni i shtetit të Kosovës në gara zyrtare të federatave evropiane dhe botërore të karatesë, përcjellë KosovaPress.

Pas triumfit, Selamni ka rrëfyer rrugën se si erdhi deri te suksesi në këtë garë.

“Deri këtu erdha me punën e trajnerit Isak Curri dhe me federatën që më solli këtu. Kam pasur gjashtë luftëra ku e mposhta kroatin me rezultat 6-0, pastaj me Skocinë ku e fitova luftën 3-0 dhe në finale ishe me garuesin e Malit të Zi ku fitova me rezultat 1-0. Kundërshtarët ishin shumë të mirë po ia dola”, tha Selmani.

Ai më pastaj dha një mesazh për të gjithë bashkëmoshatarët e tij të cilët i inkurajoi që të punojnë shumë dhe të mos dorëzohen deri në arritjen e sukseseve që i synojnë.

“Të punojnë, mos të ndalen dhe , të kenë vullnet të punës dhe të mos dorëzohen kurrë”, tha Selmani.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat