Nëse dikush kishte menduar se pas dy shtatzënive dhe një kalendari të ngjeshur si artiste dhe biznese, Rihanna do të humbiste titullin si ikonë stili – atëherë ky është momenti për të rikonsideruar. Sepse mbrëmë, Rihanna vërtetoi sërish se nuk ka asgjë që e ndalon të shkëlqejë, ashtu siç vetëm ajo di.
Pas një jave plot shkëlqim në Festivalin e Filmit në Kanë, ku shëtiti si një muze moderne mode, ylli i Fenty u kthye në tokën e saj – jo për të pushuar, por për të dhënë një tjetër leksion stili. Destinacioni? Giorgio Baldi, restoranti i saj i preferuar në Santa Monica, që prej vitesh është kthyer në një “shtëpi mode” çdo herë që ajo hyn në të.
Rihanna zgjodhi një fustan të gjatë gri pa mëngë nga JW Anderson, me një prerje dramatike që i zbulonte kofshën dhe një fjongo të madhe të vendosur pikërisht mbi barkun e saj të rrumbullakosur – një mënyrë kaq tipike e saj për të festuar shtatzëninë, jo për ta fshehur. Si gjithmonë, çdo detaj ishte i menduar në perfeksion: ajo e kompletoi pamjen me një palë këpucë sateni në ngjyrë ari rozë nga Margiela, modelin ikonik Tabi, ndërsa në shpatull mbante një çantë Dior që fliste vetë.
Ky paraqitje nuk ishte thjesht një dalje për darkë – ishte një deklaratë e qartë: Rihanna nuk ndalet. Ajo nuk është thjesht një ikonë mode, ajo është vetë skena e modës. Dhe me çdo hap që hedh, ajo e rindërton përsëri nocionin e asaj që do të thotë të jesh e fuqishme, e bukur dhe e pathyeshme.
Nëse moda është një lojë, Rihanna është gjithmonë një hap përpara.
