Këtë fundjavë, Hailey Bieber u fotografua në Nju Jork duke kaluar kohë me miqtë e saj, duke përfshirë një mëngjes në The Commerce Inn në lagjen West Village dhe një darkë elegante në Chez Fifi në Upper East Side, së bashku me modelet Camila Morrone dhe Suki Waterhouse.
Në mëngjes, ajo kishte veshur një pallto të gjatë (trench coat) mbi pantallona të shkurtra xhins dhe një bluzë të zezë, të kombinuara me këpucë të zeza loafer, çorape të bardha dhe syze dielli të zeza.
Për darkën e mbrëmjes, Hailey zgjodhi një veshje më elegante: xhinse të gjera, një bluzë të zezë, një xhaketë lëkure të zezë, taka të zeza të hapura dhe një çantë të zezë. Syzet e diellit mbetën një aksesor i përbashkët për të dyja daljet.
Por ajo që ra më shumë në sy ishte mungesa e unazës së saj të martesës. Hailey është parë disa herë së fundmi në publik pa unazën, duke nxitur zëra dhe spekulime për marrëdhënien e saj me bashkëshortin, këngëtarin Justin Bieber. Çifti janë të martuar që nga viti 2018 dhe ndajnë një fëmijë së bashku, Jack Blues Bieber.
Megjithëse nuk ka pasur asnjë deklaratë zyrtare nga çifti, fakti që Hailey po i shpeshton daljet publike pa unazën e martesës ka tërhequr vëmendjen e mediave dhe ndjekësve të saj në rrjetet sociale.
