Ylli i Love Island, Chloe Burrows, ka tërhequr vëmendjen e mediave pasi ka munguar në emisionin KISS Breakfast Show, duke raportuar “sëmundje”, vetëm disa orë pasi ndau momente nga fundjava e saj luksoze në Coachella.
Bukuroshja britanike kishte postuar në rrjete sociale pamje joshëse nga festivali i famshëm në Kaliforni, ku u shfaq në formë të shkëlqyer dhe duke shijuar atmosferën e eventit me miqtë e saj.
Ajo nuk hezitoi të ndajë me ndjekësit momente nga festat, koncertet dhe veshjet e saj provokuese që morën shumë vëmendje online.
Megjithatë, vetëm pak orë më vonë, Burrows mungoi në transmetimin e mëngjesit në radio, duke njoftuar se ishte sëmurë, gjë që ka ngritur dyshime dhe komente nga fansat në rrjete sociale.
Ndjekësit kanë reaguar me humor, duke sugjeruar se “lodhja nga Coachella” mund të jetë arsyeja e vërtetë e mungesës së saj, ndërsa të tjerë i kanë uruar shërim të shpejtë.
Pavarësisht situatës, Chloe vazhdon të mbetet një nga figurat më të komentuara të showbizit britanik, duke qenë gjithmonë në qendër të vëmendjes për stilin e saj të jetesës dhe paraqitjet plot vetëbesim.
