E gjeti duke pastruar aeroportin, shqiptari në Irlandë lë pa fjalë Blendi Fevziun

Diaspora

E gjeti duke pastruar aeroportin, shqiptari në Irlandë lë pa fjalë Blendi Fevziun

Më: 21 shtator 2022 Në ora: 18:18
Blendi Fevziu me shqiptarin

Gazetari i njohur, Blendi Fevziu, me anë të një postimi në rrjetin social ‘Facebook’ me postuar një histori frymëzuese dhe inkurajuese të një shqiptari.

Fevziu tregon për emigrantin shqiptar që e takoi kur po lante dyshemenë e aeroportit të Balfastit, por gazetari shkruan se ai pronar i disa lokaleve por larjen e dyshemesë iu kishte përgjigjur e bënte si punë shtesë.

Postimi i plotë i Blendi Fevziut:

La menjane makinen e vogel mbi te cilen po pastronte dyshemene e aeroportit te Balfastit ne ate ore te vone dhe me ftoi per kafe. U mundova ta refuzoja me xhentilese, duke e falenderuar dhe kur insistimi nuk rreshti i tregova qe zona e kafeneve ishte mbyllur tashme. Mos ki merak me tha, beri perpara, hapi shiritin qe ndalonte hyrjen e kafeneve, ndezi ekspresin nen hutimin tim total.

I kam une me qira keto ketu me tha, po hajde ulu.

Advertisements

Ti po laje dyshemene i thashe, c’pune ke me lokalet.

Jam pronari. Dyshemene e bej si pune shtese. Sot s’kisha punetor dhe po e bej vete. Sapo mbylla lokalet.

U zgjat mbi banak, mori nje cope kek dhe ma afroi ndersa ngrohej ekspresi. Kete e ben nje grua nga Vlora me tha. E ben si qemoti. Une ja marr asaj dhe i shes.

Historia e tij ishte thuajse e pabesueshme. Kishte ikur nga Sevasteri i Vlores si shume shqiptare te tjere ne vitet ‘90 – te. Kishte kaluar malin per ne Greqi ku kishte punuar ca vite. Ishim shume vellezer me tha dhe shume te varfer. Prisja qe vellai te hiqte kepucet qe ti vishja une. Pas ca vitesh ne Greqi kishte marre rrugen per Angli. Nen kamion nga Franca ne Britani. Kishte punuar ne Londer dhe ku djali i vetem po i rritej ishte transferuar ne Irlanden e Veriut. kishte bere cdo lloj pune dhe tani kishte nje stabilitet financiar per tu admiruar. Por punonte serish. Ku te mundete. Me pasionin qe mund te punoje vetem nje njeri qe e do punen. Kur kisha prinderit gjalle me tha, shkoja ne Shqiperi me makine. Ishte larg, por e mbushja me dhurata per plakat dhe pleqte e fshatit. Tani vinte me rralle. Djali po i behej grafik dizajner dhe ishte krenar per te.

Ne nuk beme shkolle, tha, nuk mundem. Por djali po!

Me percolli deri tek avioni. Me mahniti historia e tij. Besimi se me pune mund te rimekembesh. Ishte kaq e ngjashme me historite e plot emigranteve te tjere. Qe iken nga mjerimi i viteve ‘90, qe besuan tek enderra e lirise dhe ajo jua ktheu serish mbrapsht.

commentFirst article
Sot mund të lexoni Shfletoni kopertinat