Barcelona duhet të shmangë nxitimin e procesit të emërimit të Pedrit si pasardhës të Lionel Messit, thotë Rivaldo, me 18-vjeçarin që kërkon durim për t'u treguar në zhvillimin e tij të vazhdueshëm.
Në “Camp Nou” janë të vetëdijshëm se një figurë ikonike si Lionel Messi mund të jetë afër fundit të karrierës me klubin spanjoll
Messi ende nuk ka shprehur gatishmëri për një kontratë të re në Catalunya dhe do të shohë marrëveshjen e tij aktuale të skadojë në verën që vjen, duke e lejuar atë të bjerë në grupin e agjentëve të lirë.
Pasi bëri presion më parë për një lëvizje diku tjetër në vitin 2020, mund të ndodhë që opsionet e tij të hulumtohen përsëri 12 muaj më vonë.
Barca nuk po pranon të heqë dorë nga diskutimet në lidhje me një qëndrim të zgjatur, por Manchester City dhe Paris Saint-Germain janë duke pritur të gatshëm të hidhen në sulm.
Rivaldo beson se Messi do të kërkojë një sfidë të re në fazat e fundit të karrierës së tij të jashtëzakonshme, duke i lënë ata në “Camp Nou” të lëvizin në një drejtim tjetë.
"Pedri është vetëm 18 vjeç dhe do të ishte e nxituar të fillohej t'i bëhej shumë presion, edhe pse skuadra ka lojtarë më me përvojë për të marrë përgjegjësinë dhe duhet të shkojë përpara me ata.”, u shpreh fillimisht Rivaldo.
“Ai thjesht duhet të vazhdojë punën e tij të mirë, duke u zhvilluar dhe mësuar të bëhet një nga lojtarët më të mirë në klub në të ardhmen e afërt. Cilësitë e tij të mëdha janë të pamohueshme dhe tashmë ka zëra se ai mund të jetë pjesë e skuadrës së Spanjës në Euro 2021, gjë që vetëm konfirmon se ai ka aftësi të mëdha.”
“Por ai është shumë i ri dhe Barcelona duhet të jetë e kujdesshme që të mos ia vë vëmendjen shumë shpejt. Ai duhet të vazhdojë të përmirësojë lojën e tij dhe më pas të performojë në skena më të mëdha përveç La Ligas, siç është Champions League.”, shtoi Rivaldo.
"Ky mund të jetë sezoni i fundit i Messit në klub, kështu që ai mund të ketë më shumë shanse për të marrë përgjegjësi sezonin e ardhshëm, por tani do të sugjeroja që ai thjesht duhet të vazhdojë procesin e tij normal dhe të luajë futbollin e tij sa herë që thirret nga Ronald Koeman.”, përfundoi legjenda braziliane.
