Sergrio Aguero është shumë afër që të bëhet lojtar i Barcelonës, kështu ka zbuluar edhe Pep Guardiola.
Trajneri spanjoll ka thënë se sulmuesi argjentinas do të jetë një opsion i mirë për gjigantin katalunas.
Aguero i dha lamtumirën Manchester Cityt në Ligën Premier në fitoren 5-0 ndaj Evertonit, ku arriti të shënonte dy herë, ndërsa ndeshja e tij e fundit do të jetë finalja e Ligës së Kampionëve më 29 maj ndaj Chelseat.
“Ndoshta unë do të zbuloj një sekret”, ka thënë Guardiola për BBC. “Ndoshta ai është afër marrëveshjes me klubin e zemrës sime – me Barcelonën”.
“Ai do të luajë përkrah lojtarit më të mirë të të gjitha kohërave, Messit”.
“Jam shumë i sigurt se ai do të kënaqet. Dhe ndoshta Barcelona është më e fortë me të në fushë”, ka shtuar më tej strategu.
Sulmuesi shumë kohë më parë e vendosi veten si një legjendë të klubit, kështu që mund të jetë e habitshme ta shohësh atë të largohet me pak rezistencë.
