Alberico Evani, ndihmëstrajner në ekipin kombëtar të Italisë, ka shpjeguar pse Federico Chiesa luajti rol aq të rëndësishëm për të kaltrit në Euro 2020 dhe shprehu besimin se ylli i Juventusit do të përmirësohet edhe më shumë me kohë.
Chiesa zuri vend titullari nga banka rezervë në ekipin e Roberto Mancinit dhe i ndihmoi Italisë ta fitoi trofeun evropian në Wembley në fillim të këtij muaji.
Ai i shënoi dy gola në rrethin e 16 më të mirëve kundër Austrisë dhe në gjysmëfinale kundër Spanjës.
“Chiesa do të bëhet edhe më i mirë”, tha Evani për Tuttomercatoweb.
“Ai ka ndryshim vdekjeprurës të shpejtësisë dhe mund ta ndryshojë ndeshjen si pak të tjerë në Evropë. Kur ai e shkel gazin nuk mund ta kapesh”, shtoi ai.
“Ai godet me të dy këmbët po ashtu dhe e ruan teknikën edhe kur vrapon me shpejtësi”.
Chiesa i shënoi 15 gola dhe i dha 11 asiste në 46 ndeshje sezonin e kaluar.
