Ousmane Dembélé, blerja e dytë më e shtrenjtë në histori të Barcelonës, mund të largohet falas vitin e ardhshëm.
Klubi dëshiron të kursejë sa më shumë nga pagat marramendëse të futbollistëve.
Dembele kërkon shumë në sezon dhe deri sot nuk është arritur ndonjë marrëveshje për rinovimin e kontratës që skadon në verën e vitit 2022.
Dembele u ble për 145 milionë euro në verën e vitit 2017, kur Neymar u transferua te Paris Saint Germain për 222 milionë euro.
Ai renditet i dyti si blerja më e shtrenjtë në histori të Barcelonës, pas Philippe Coutinhos 160 milionë euro.
Deri sot, Dembele ka qenë shpenzim i kot për Barçën, duke qëndruar më shumë në infermieri se në fushë dhe duke mos e ndihmuar asnjëherë klubin kur më së shumti ka pasur nevojë.
